مساء الخير والنور والياسمين
على احلى فتوكات
عملت ستيك بتتبيلة جديدة طلع تحفة بجد
ودى صورة للطبق
وبعدين اقولكم الطريقة
اول حاجة طبعا غسلت اللحم ونقعتها فى التتبيلة طول الليل
(كوب حليب اوزبادى و كوب عصير برتقال وفص ثوم وبصلة وملعقة صغيرة بهارات لحم و2 ملعقة صغيرة خل وملعقة صغيرة عسل وملح وفلفل وشبت كلهم حطيتهم فى الكبة)
تانى يوم
جبت طاسة تيفال وحطيت ملعقتين زيت وملعتين زبدة
وحمرت الستيك2-3 دقايق على كل وجه
ووممكن تشووها على الشواية4-5 دقايق على كل وجه
وبعدين حطيت الستيك فى صينية وغطيتها بفويل ودخلتها الفرن 15-20 دقيقة
عشان يكمل سوا للى بيحبوها well done
الصوص الباقى من التحمير فى الطاسة خليه على جنب هانستخدمه
بعد كده حطيت ملعقة زبدة وملعقة زيت فى طاسة
وشوحت بصلة صغيرة وفص ثوم
وضفت عليها مشروم مقطع وقلبتهم 5 دقايق
وضفت ملعقة دقيق وقلبت كمان 5 دقايق
وبعدين حطيت كوب شوربة لحم وسيبتها على نار هادية شوية لغاية ما الصوص يتقل شوية
(هقولكم على الشوربة ده فى آخر الموضوع بدل المرقة)
وتبلتها بملح وفلفل
وحمصت شريحتين توست عشان احط الستيك عليها فى طبق التقديم بدل الأرز
بيبقى طعمه تحفة مع الستيك والصوص
اجيب طبق التقديم واحط التوست المحمص
وعليه الستيك وفوقه الصوص
وجنبهم البوتاتو جاكيت
زى الصورة كده
يارب تكون طريقته عجبتكم
اما بالنسبة للبوتاتو جاكيت هقولكم عملتها ازاى
تابعونى
مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل