ساعدوووووووووووني يا متخصصين التنمية البشرية

بسم الله الرحمن الرحيم
أولا ممكن اللي يقرأ موضوعي يحسن انه موضوع تافه أو انى مكبره الموضوع زياده عن اللزوم
انا هدخل في الموضوع علي طول بس بالله عليكم اللي تعرف تساعدنى متتاخرش عليه لانى مش عارفه اخلص من المشكلة دي وحاسه أنها هتبوظلي حياتي كلها
المشكلة اللي عندى أني وزني زاد في الفترة الاخيره جداً ومش عارفه انزله بأي طريقه من الطرق وده لانى معنديش عزيمه خالص
الأول لما كنت بزيد عن الطبيعي خمسه ولا عشره كيلو كنت ببقي هتجنن ومبرتحش غير لما اظبط جسمي
وكنت ببقي مبسوطه من كل اللي حوليه لما يعدو يقولو عني أني عندي عزيمه وجسميك كده جميل وكفايه رجيم بس للأسف الحال اتبدل بقي كل اللي حواليه شايفين ان وزني زاد جداً وأنا مش عارفه أخد موقف واعمل رجيم بجد عشان أخس
وكمان بقيت علي طول مدايقه من نفسي وعندي ملل فظيع وحاسه ان لبسي بقي مبهدل عليه عشان بجيب عبايات أكبر من مقاسي عشان ماتبقاش ضيقه عليه
والجديد واللي عمره ما حصل قبل كده ان جوزي بدا يقولي انت وزنك زاد وأنا خائف عليك هو الصراحة بيحاول ما يجرحنيش بس انا زعلانه من نفسي أني وصلت للمرحله دي
وكمان عندي مشايه كهربائية في البيت بس اكن عليها عفريت مبعملش عليها خالص ونفسي واقفه منها
بجد ياريت تدعموني وتشجعوني عشان أغير سلوك حياتي واللي تقدر تساعدني ياريت ماتتاخرش عليه لان بجد انا حاسه أني واقعه في مشكله كبيره ومش عارفه اطلع نفسي منها
واللي ماتقدرش تساعدني ياريت تدعيلي بظهر الغيب عسي ان ربنا يقبل منها

لوجا حبيبى لوجا حبيبى 1016834_1.gif فتكات رائعة Fatakat 1016834 جده – السعوديه

سبحان الله و بحمده