يا جماعة انقذوني انا تايهة دلوقتي انا نويت بإذن الله بعد رمضان اعمل حقن مجهري ادعولي ينجح فبهيأ نفسي لكل الحاجات اللي هتتعمل و منهم اكتر حاجة مخوفاني و رعباني اللي هي الحقن اللي تحت الجلد انا طبعا لو هيموتوني مش هاخدها في البطن فعملت سيرش لقيت انها ممكن تتاخد في الدراع بس مش عارفة هي المنشطات دي لازم في البطن او الفخد ولا ممكن الدراع عادي ؟؟
هو انا ماعنديش مشكلة الحمد لله المشكلة عند جوزي فانا عاملة التحاليل و كله و هاروح للدكتور قبل البريود اللي جايه عشان نتفق.. هو انا كده ينفع يبدأ معايا التنشيط من البريود اللي جايه و يحدد معاد السحب و كله ولا التحضيرات بتطول عن كده ؟؟؟
تاني حاجة انا نويت اعملها مع الدكتور محمد حسين طلبة بصوا انا رحتله كده مرتين هو شكله شاطر و كويس جدا بس الصراحة اللي قالقني انه شكله صغير لسه مش دكتور كبير يعني انا متعوده كنت باروح لدكتور ده يعتبر اكبر دكتور في مصر و عيادته في مصر الجديده و كلها ناس هاي كلاس جدا و اللي شغالين معاه بنات شيك اوي فانا اتعودت علي الليفل ده رح
ت لمحمد حسين طلبة من كلام الناس هنا عليه انه فظيع و ممتاز و كل الكلام ده لان صبحي ده كان مدخلني في قصة منشطات وبتاع وانا ماكنش عندي حاجة كان بيعمل عليا شغل فقولت لجوزي تعالي نجرب محمد حسين رحت وبعد لف ع العنوان لقيت العيادة في مكان شعبي جدا في وسط سوق و صغيرة جدا و العيادة الناس اللي فيها بيئة جدا و شرك كمان بينه و بين دكتورة اطفال فقاعدة تقريبا في سوق زي اللي في الشارع عنده هو كاتب انه العنوان في المهندسين بس الحقيقة انه في اول بولاق مش المهندسين خالص انا اول مادخلت من باب العيادة لقيت جوزي بيبصلي شذرا كده و زي مايكون بيقلي "هو ده اللي انتي مسيباني شغلي و ملفافني مصر كلها عشان تجيليه" و تاني مرة اخدت ماما كان نفس رد فعل جوزي "ايه ده اللي انتي جايبانا فيه" وكانت قاعده هتطق مني.. بس هو الصراحة كدكتور أمين وشاطر جدا و مش بتاع بيزنس خالص لكن اللي مزهقني منه عيادته وحشه اوي و ماعرفش حد شخصيا عمل معاه حقن و كل اللي حواليا حاكمين عليه من مستوي الناس اللي شافوه في عيادته بانه دكتور صغير فانا لو قررت اعملها معاه هيبقي علي مسئوليتي عشان هما مش موافقين فلو فشلت هيقولو انه انا السبب اللي ماختارتش دكتور كبير ياريت لو حد جربه يطمني لاني مش عايزة أجازف الصراحة
Om Malak_w_Farida 20240 Om Malak_w_Farida 20240 فتكات متميزة Fatakat 549856 cairo – egypt