السلام عليكم ورحمة الله وبركاته
اذيكوا يا فتاتيك
بما انى استفدت كتير من المدونة ده بجد كل ما احتاج حاجة اعمل سيرش ع فتكات والاقى اللى انا عاوزاه
بس للاسف لما عملت سيرش عن اى حد ليه تجربة فى مستشفى الزراعيين مش لقيت حاجة غير ان الناس بتشكر فى مستوى الدكاترة ونضافة المستشفى بس انا كنت عايزة تجربة من قلب الحدث
واول لما روحت قلت اجى واحكى لكم
بما انى وبلا فخر مهندسة زراعية ليا تأمين صحى تبعهم اشتركت فيه وده تقريبا ب 115 فى السنة وبيتعمل شهر 10 و11 و12 من كل سنة وبيدوا بطاقة علاجية ودليل للمستشفيات اللى تبع النقابة والدكاترة كمان
المهم روحت المستشفى بجد نضيفة اوى والمعامله كويسة جداا والكشف ب 30 جنيه للمشتركين فى التأمين مش عارفة اللى من بره بكام الحقيقة
انا لسه فى الرابع والدكتورة اللى حجزت عندها كبيرة فى السن وخبرة اوووى بتكشف ع كل حاجة قاست الضغط وكالعادة طلع واطى ووزنتنى وبردة كالعادة طلع واطى هههههههه قصدى قليل ما علينا وكشفت عليا بالسماعه ودى انا مستغرباها اووى يعنى فحصتنى فحص شامل
وكتبتلى ع تحاليل اعملها بما انها اول مرة اشرفهم عندهم لما تطلع اروح لها بيها تشوف هاتعمل فيا ايه
روحت بقى علشان اعمل التحاليل صورة دم كاملة وفصيلة دم وسكر عشوائى وبول كامل وحاجة تاينة مش فاكراها كل ده ب 20 جونيه ونصف ولو مش تبع التأمين تقريبا ب 50 جنيه
وبيطلع تانى يوم
نيجى بقى للهم الاكبر
اسعار الولادة انا كنت رايحة عاملة كدهون
لانى سمعت ارقام غريبة ومستوى المستشفى مقلقنى تتصوروا حاطين احواض سمك فى الريسيبشن
المهم الراجل بتاع الحسابات قالنا الولادة الطبيعى تقريبا 1600 وتبع النقابة ب 600 من غير الادوية
القيصرى بحوالى 2600 وتبع النقابة تقريبا 1000 من غير الادوية برده وليها اوضة 24 ساعة مكيفة درجة اولى بس مشتركة مع حالة تانية
خرجت من عنده وانا عامله كدهون المرة دى
بس يا بنات وشيلت من ع قلبى هم المستشفى وفاضل الدكتور
ادعولى بقى اتشنكل فيه قريب
ويارب نقوم كلنا بالسلامة ويرزق كل مشتاقة بالذرية الصالحة عن قريب ان شاء الله[/center]
مفيش فايدة تانى مفيش فايدة تانى 485016_2.gif فتكات هايلة Fatakat 485016 الجيزة – مصر أم الدنيا