اولا احب اشكر ريمونتي وامولا وكل مبدعين فن الطبخ في فتكات عشان بجد طوروا في أفكار الاكل وحببوا الواحد في الطبخ ووقفة المطبخ
أنا اخدت الوصفه بتاعة عيش الطاسه وضفتلها من مكونات الفطاير المحشيه :
2كوب دقيق+معلقه كبيرة خميره فوريه+معلقة كبيره بيكنج باودر+رشة ملح وسكر +معلقة كبيره زيت نباتي+معلقة كبيره زعتر+3معالق كبيره شوفان+معلقة لبن بودرة
للوجه بيضه مضروبه مع شوبة لبن وتنتوفة نسكافيه(عشان تدي اللون البني ودي غشيتها من قناة فتافيت)+سمسم
عجنت المكونات عادي وسبتها تخمر في مكان دافي حوالي ساعتين وبعدين قسمت العجينه وفردت كل جزء على شكل دايره وحشيتها وغشيت طريقة اللف من فتافيت
الحشو: كان عندي بواقي بجمعها في الفريزر(خلطة شاورما+خلطة لحم مفروم مع ماشروم كانت لصينية مكرونه بشاميل+خلطة كبد وقوانص كانت لارز بالخلطه)
ضفت بس شوية مايونيز على كل واحدة قبل ماأحشي بيها
ورصيتها وسبتها تخمر ربع ساعه
وضعتها في الرف الاوسط على درجه 180 ولمدة 20 دقيقه بالكتير وبجد يافتوكات طلعت وهم والزعتر والشوفان عملوا شغل جامد والفرن خلاها مقرمشه خفيف من بره ومن جوه طريه وتجنننن!!
اسيبكوا مع الصور واتمنى لو الموضوع عجبكوا تقيموه ولو معجبكوش ………….:: مواضيع هذا القسم برعاية
om joudi om joudi 132783_2.gif فتكات هايلة Fatakat 132783 cairo – egypt