ازيكم يا مغتربات يا تختوخات
متزعلوش انا كمان معاكم
هتفضلي لحد امتي كده تختوخه ومكلبه ولا بتعرفي تلبسي اللي نفسك فيه وشكلك اكبر من سنك
انا بجد فااااض بيا من موضوع التخن ده
فقولت لازم من حل
اكتر دافع ليا
لما كنت اروح اي مول عشان اشتري لبس وامسك ال xl او xxl وجوزي يقولي لالاء شكله صغير عليكي
كنت بعيط بجد
بقول لجوزي عايز اغير استايل لبسي قالي انتي تختوخه ومش هينفعك غير العبايه
بجد ده مأثر فيا اوي
حتي لو لاقيت مقاسي بقول اكييييييد لو ارفع هكون احلي بكتير
بعد اللك ده كله
انا قررت اعمل ريجيم
ومن النهارده
الريجيم بتاعي علي فكره انا بحثت في كتييييييييييييير جدا
لاقيت ان افضل ريجيم هو ريجيم السعرات
وكمان ريجيم ال 5 وجبات
الريجيم بتاعنا هيكون ازايييييييييي
بصو
هنقسم وجباتنا 5 وجبات كالاتي
فطار ( ويكون بدري ان امكن)
سناك(وجبه خفيفه)
غدا
سناك
عشاء
المهم يا بنات لالالالالالازم بين كل وجبه والتانيه 3 ساعات
طبعا واحده عسوله هتقولي اللللللللله
ده انا مابكلش غير وجبه واحده وبتخن
هقولك ليه بتتخني وانتي مابتكليش غير وجبه واحده
الاخطاء دي بتخن
1 مافيش فطار (ده بتخن لان الجسم بيخزن الاكل لانه عارف انه هيتحرم من الفطار وبالتالي معدل الحرق طول اليوم واقف لان مافيش اكل)
2بتتغدي غدا دسمممممم وتنامي اوبتتعشي وبرضو تنامي
سعرات الحراريه في الوجبه دي اعلي من احتياجاتك
المهم يا بنات
كل حاجه في ريجمنا مسموحه
اه مسموحه بس باقل الكميات
يعني هتاكلي شكولا وفشار ومكسرات وكل حااجه
هديكو نموزج للدايت بتاعي
الفطار :
كوب نسكافيه بلبن خالي الدسم
ربع رغيف بلدي
3 معالق جبنه قريش او لايت
3 معالق فول بالطماطم
خياره وجزره
السناك بعد الغدا ب 3 ساعات
3 تمرات
الغدا
4 معالق رز + كبشه خضار اي نوع+ قطعه لحمه+ سلطه
السناك بعد الغدا ب 3 ساعات ثمره فاكهه
العشا
زبادي
بصو انمش هتكب نظام معين ولا اكلات معينه
لان طبعا كلنا لينا اسره مسئولين عنها ومش نفضل نعم لينا نظام وهم نظام
احنا هناكل من اكل البيت بس نراعي الاتي
1 لينا رغيف واحد في اليوم او 8 معالق رز او 6 معالق مكرونه
2 السكر 2 معلقه سكر فاليوم او 8 مكعبات سكر دايت
3 السناك ممكن يكون واحد من الاتي( 2 مكعب شكولاته او كوبايه فشار او كوب بيبسي دايت او 10 حبات مكسرات اوقطعه جاتوه اوقطعه حلويات واحده قد صوابع ايدك)
وده يلزم يكون السناك بتاع الصبح عشان يتحرق
4 شرب 3 لتر ماء في اليوم قبل الوجبات او بعده بساعه مش علي الاكل
5نعمل شويه رياضه حتي لو رقص لمده 15 دقيقه
هااااااااااا مين هتكون معايا
كل واحده تدخل تقول وزنها وطولوها واهدافها
ام سوفا الجميل ام سوفا الجميل فتكات متميزة Fatakat 710979 عجمان – الامارات