ازيكو يافتاتيك؟
عاملين ايه
لو عاملين محشى ورق عنب ياريت تعزمونى لانى جعانه قوى ونفسى فيه
اما لو كرنب بلاش مصر مش ناقصه تلوث وسحابه سوده
ام هند نيجى لموضوعنا الا وهو الرز المعمر والمحمر اللذيذ وعلى طريقتى المتواضعه
احنا بنعمله بطريقتين بالسكر وبالملح
هقول الى بالملح
بصى يافتكوكتى ياحبيبتى منك ليها
هنغسل الرز وننقعه نقعا مبرحا جدا شدا مدا
وبعدين نجيب الصينيه الى هنعمل فيها ونسيح معلقتين زبده بيضااااااااااااااا وباكد بيضا علشان الرز يبقى لونه ابيض مش مصفر لو عملناه بزبده صفره
وممكن نحط معاه معلقتين قشطه لو عندك
وبعدين نحط عليهم الرز بعد مانصفيه ونقلبهم فى الزبده كويس ونحط ملعقه سكر معاهم ونقلب كويس وبعدين نحط اللبن كانك هتسوى رز عادى واعملى حساب انك نقعاه علشان ماتزوديش قوى ويعجن
خلاص كده تمام
وهاتى طبق بره حطى فيه علبه زبادى او علبتين حسب الكميه ومعلقتين زبده ومعلقتين قشطه وشويه لبن وقلبيهم كويس جدااااااا وحطيهم على وش الرز المعمر وماتقلبيش ده هيعمل طبقه وش تحفه بشكل لاتتخيليه سميكه كده وطعمه ومليانه كوليسترول ودهون واوعى وشك ربنا يستر علينا
بجد بتبقى حلوة قوى ايه الجمال ده تسلم ايدك ياساسو
وبعدين زجيه فى الفرن(حلوة زجيه ديه صح) معلش اصل الايقونات دى شكلها حلو قوى
وسيبيه ساعه الا ربع
او حسب ماهيستوى وطلعيه وبالف هنا
انا كان نفسى اصورة ليكو وواريكو شكله بس للاسف موبايلى صورة وحشه جداا يعنى ممكن يطلع صورته مسقعه بدل الرز المعمر
كنت عملاه فى عزومه لخطيبى قريب واتبسط منه جداا
يلا جربوه وقولوى ومات نسوش التقييييييييييييم بدل ماجى ااقرمكم ( يعنى اعضكم)
اه اصل انا شريره مايغركوش
مواضيع هذا القسم برعاية
عفركوووشه موووشه عفركوووشه موووشه 529698_2.gif فتكات هايلة Fatakat 529698 شرذمونه – بلاد واء الواء التابعه لمنظمه الاسره والطفل