بسم الله الرحمن الرحيم
والصلاه والسلام على رسولنا الكريم
ازيكو ياحبايبى عاملين ايه يارب تكونو بخير وسعاده يااارب
الموضوع ده عملته عشان لو اى اخت ليا حبت تجيب معلومات عنه وعن الدكتور تلاقيه مفصل ويسهل عليها وكفايه اكسب دعاها ليا
اولا دى التجربه الاولى ليا بقالى 3 سنين متجوزة انا مريضة تكيسات من الدرجه الشديده جداااا وجوزى عنده مشكله ف العدد والحركه
طبعا لانى عايشه ف السعوديه فالمتابعه بتاعه تاخر الحمل صعبه جدااا عشان افتقاد المهارات الطبيه فعلا
ولكن اخيرا اهتدينا اننا هنعمل خطوه الحقن المجهرى واتفقنا وكان قدامى د هشام الشاعر ودكتور محمد حسين واستقريت على دكتور محمد
وبدات اسمع ليه البرامج بتاعته وحبيت طريقه كلامه …..ونزلت مصر ورحتله
اولا عنوان دكتور محمد((معظمنا من بره مصر واللى من مصر تاخد محطه المترو وتكمل زى ماهوصف-تنزلى رمسيس وبتاخدى المترو اتجاه الجيزة وتنزلى محطه البحوث يعنى تركبى رمسيس الى هيا الشهداء وتعدى العتبه-محمد نجيب-السادات-الاوبرا-الدقى وتنزلى البحوث 5 محطات وتنزلى السادسه تمام كده تسالى ف المحطه وتطلعى من مخرج ش السودان تطلع تركبى تاكسى ابيض وتقوليله مزلقان ارض اللوا وتبصى لى يمينك لغايه ماتلاقى محل حلويات اسمه لارين دوريه بعديه بعشره متر هتلاقى يافطة دكتور محمد بالازرق حلو ده فل الفل
طبعا انا رايحه للدكتور على عمليه مش علاج نزلت قبل جوزى اظبط حالى وخصوصا انى عندى تكيسات فلازم اظبط ال lhقبل العمليه طبعا روحتله خامس يوم الدوره وكنت عامله تحاليل تانى يوم الدورة كشف سونار مهبلى وقالى بصراحه انتى من اصعب حالات الحقن المجهرى لان مبيض التكيسات الشديده دى معندوش تفاهم يايستجيب بشده ياميستجبش خالص وفعلا ادان الخطه اللى همشى عليها وقالى هنشط وهسحب والقح واجمد واستن شهر ونص وازرع ..طبعا ماما بصتله وقالتله بطيب خاطر خالص يعنى انت شاطر ف الموضوع د يعنى طبعا الدكتور مات على نفسه من الضحك وقالها اه ياماما شاطر متخفيش
بس كده ادانى حبوب منع الحمل شريطين ف شهر واحد وحللت تانى يوم الدوره تانى لما جت والهرمونات ظبطت الحمد لله وبدات تنشيط وزى مقال اول زيارتين تقريا مكنتش فى استجابه خاااالص وبعدين ف الزيارات المتتاليه الحمد لله المبيض استجاب وحددت السحب ولحمد لله سحب وبعد شهر ونص ونقلت المجمد 3اجنة بفضل لله وانا فى اليوم التامن دلوقتى من النقل ربنا يكملها على خير ويفرح قلبى وكل اللى زى يارب طبعا
الخلاصه
دكتور محمد شخصية محترمه لابعد حدود وشه مريح جداااا واثق ف ربنا وواثق ف قدراته جدااا جدااااا فاهم هوا بيقول ايه اول زياره ممكن يقعد معاكى بالنص ساعه ميهموش عشان يفهمك لاكن ف المتبعات مش بيطول واى استفسارات خديها منه ف العياده ف المستشفى وقته بيبق ضيق فمش هيعرف يتكلم معاكى
مش استغلالى خالص طلبت منه تحاليل اعملها اومنظار قالى بالنص اكلفك 3 او 4 الالف جنيه ليه وانت مش محتجاهم
صريح لو الحاله فيها خلل بيقول مش بيهمه يعمل العمليه وخلاص
كفايه بجد ذكر الله اللى مبيفرقش لسانه وقت العمليه
تكلفه الحوار ده انا اخد منى حوالى 23500 من غير مواصلات ولا حاجه
المستشفى انا عملهالى ف ادم اخدت 7900 وده مبلغ ثابت لعمليتين السحب والارجاع ودفعت كمان 2350 للتجميد لانى جمدت كل الاجنة
للفهم((القصيبه فيها اربع اجنه بتتجمد بالف جنيه يعنى فى المحاوله بيفك قصيبه واحده والصالح منها بيزرعهولك 2 بقى 3 4 انتى وحظك))
وعلاجى 10800 كتير مش كده من قلتلكو مكنتش بستجيب خااااااالص بس ربنا فكها عليا الحمد لله
فمفيش مبلغ ثابت كل حاجه ولها ظروفهامكن ناس تاخداكتر من كده وناس اقل بكتير
بالنسبه للعلاج لااااااااااااااااازم حقن العضل ب5سم الدكتور قالى لو مش عاوزها ب5سم مكنتش اكدت انها تبقى 5 سم ليه بقى لانها بتدخل بعمق اكتر وصدقونى فلا ملهاش الم خالص زيها زى شكه ل3سم
على اد ماتقدرى اهتمى بمواعيد العلاج الحقنه التفجيريه اخرتها ساعتين وده خلى الدكتور ميعرفش يطلع عدد كبير من البويضات زى ماكان متوقعلى بس احمد ربنا اولا واخرالان ده نصيبى
نيجى بقى للعمليات
اولا السحب بتتعمل ببنج نصحتى متحاوليش تخوفى نفسك عسان اوردتك متهربش والكنولا متوجعكيش هتفوقى تلبسى وتروجى وجع بسيط ف مكان المبايض لمده 2 او3 ايام وهيروح
ثانيا الارجاع هتدخلى العمليات من غير بنج الدكتور هيتكلم معاكى ويقولك هننقلك كام جنين ودرجاتهم وبعدين العمليه زى كشف نسا ويمكن ابسط كمان متشديش نفسك عشان متتطرديش الجنين تقريبا مخدش معايا 10 دقايق
بعد النقل الاجنه اللى هتثبت هتثبت خلال ثلث ساعه من النقل س للامان هترتاحى على ضهرك ساعه وتقومى تدخلى حمامك وتلبسى وتروحى مهما كان مشوارك بياتك ملوش لازمه صدقينى
بصى انانضفت شقتى وغسلت غسيلى واختى جت قعد معايا بصراحه مبتخلنيش اعمل حاجه س انا ريحت اول يومين وبعدين قومت عاى وبوطى وبمشى وبقف وكل حاجه بس بحرص شديد طبعاعشان اخد بالاسباب لا اكتر ولا اقل الحركه مهمه عشان الدوره الدمويه تلف ف جسمك وتوصل للاجنه
انا دلوقتى ف الانتظار تحليلى يوم الجمعه الجاى زى النهارده باذن الله انا عشمى ف ربنا كبير قوووووى بس د ميمنعش لعب الشيطان ف دماغنا الله يلعنه ادعولى يابنات بالله عليكو ربنا يثبت اجنتى و يمن عليا الذريه الصالحه المعافاه انا وكل مشتاقه يارب
ومتنسوش تقيمو عشان يثبت الموضوع يمكن يساعد اى بنوته تحتاجه
دكتورة بس فرفورة دكتورة بس فرفورة 309970_6.gif فتكات متميزة Fatakat 309970 الاسكندريه – مصر
شكرا يا حبيبتي على المعلومات
ويارب يكومك بتوام يارب وتقومي بسلامه
هعملها شهر 1 عند نفس الدكتور يارب خير
انتي عملتي ايه ان شاءالله حامل ؟!