السلام عليكم ورحمة الله وبركاته
اللهم صلى وسلم وبارك على سيدنا محمد وعلى اله واصحابه وسلم تسليما كثيرا
ازيكوا ياقمراتى ياحبايبى يارب تكونوا بخير
وحشتوووونى كتير ووحشتنى لمه الدايت والحرمان
بس الموضوع يستاهل والتغير بجد جميل
اولا حابه اعرفكم عليا انا يابنات اولا اسمى امل وعمرى 30 سنه وكنت عايشه حياتى كله للاكل وبس
يعنى افضل طول النهار فى المطبخ علشان اجهز اكل كتير اكله بالليل واسهر طول الليل اكل وده خلف الحلويات والشكولاته والكولا
بجد كنت مفجوعه لحد ماوصل وزنى 96 وكنت شايفه نفسى مش تخينه خالص بس حياتى كله اكل وبس يعنى مثل فى الصيف البس الفزجوز ده واقول اصله مريحه لا اللبس بجامه ولا شورت ولا حاجه زى كده لجوزى وفى الشتا اللبس عبايات قطيفه واهو بدارى
انا اخده جوزى على قصه حب وجوزى ماشاء الله امور ومش بحب يجرحنى كان كل مده يقولى خسى اقوله لا جسمى حلو
لحد مالقيته بدا يبعد عنى شويه شويه فرحت اتكلمت معاه قالى انا عايز معاى انثى مش امى عايز اعيش حياتى
وقالى كلام كتير صعب وحسيت انى بخسر بيتى وجوزى علشان الاكل عزمت وبدات رحلتى وخسيت ولله الحمد ووزنى دلوقتى 78
بس المفروض كنت خلصت من بدرى بس بتاكسل فهبدا علشان ان شاء الله مش هخلص غير على التثبيت
بس والله حاسه نفسى مخوق تانى من ساعه ماخسيت واشتريت لبس وكانى عروسه ومش بتكسف من نفسى وبجرى وبلعب
وجوزى فخور بيا جدا هو الموضوع فى الاول صعب شويه وبعد كده هتتعودى
والصراحه اللى كان محمسنى للدايت اكتر كنت عامله جروب هنا وكان فى ناس كتير مشتركين وخسوا معانا
بس للاسف الجروب اتفكك
فهنبدا من جديد للحلم الرشاقه
لانى مين مننا منفسهاش جسمها يبقى متنازسق ورشيق وتعرف تلبس كل الى هيه عايزاه
من غير تعب ولا لف على المحلات عشان تلاقى مقسها
مين مننا منفسهاش تبقى حلوه وموزة فى عيون جوزها وميبصش لحد غيرها
مين مننا منفسهاش تخلص من التعليقات السخيفه الى بتسمعها فى الريحه والجيه
من كل الى حواليها سواء يعرفوها او ميعرفهاش
مين مننا منفسهاش تبقى خفيفه عشان تقدر تعبدربها اكتر
وتصلى وتصوم اكتر وتشكر ربنا على نعمه عليها التى لا تعد ولا تحصى
مين مننا منفسهاش تبقى رشيقه تقدرتخدم اولادها تلعب معاهم
وتروح معاهم كل الاماكن الى بيحبوا يروحوها
لكن ازاى هيحصل كل ده واحنا شيلين الحمل التقيل دة كله على قلبنا
– مش هطول عليكوا علشان ما تزهقوش فكرة الصفحة باختصار
1- هي إن كلنا يكون لنا هدف مشترك نشجع بعض للوصول إليه .
2- هنوضح بعض مفاهيم الرجيم الصحيح . علشان محدش يضر نفسه وهو بيعمل رجيم .
وان شاء الله نقدر نساعد بعض ونوصل للوزن الى بنحلم بيه كلنا
هنبدا دايت من يوم السبت من قال معايا
اللى حابه تشترك وتنضم لينا تكتب
الاسم———————————
الطول——————————–
الوزن —————————-
السن ——————————
الهدف الاول———————————-
الهدف الثانى———————————
الهدف الاخير ——————————
وهندخل ان شاء الله كل يوم ونكتب اليوميات بتاعتنا وهتكون عبارة عن
الفطار————————————————
سناك اختيارى
الغدا —————————————–
سناك اختيارى
العشا ———————————————-
الماء ———————————————–
المشروبات الحارقه للدهون ————————————
الرياضه —————————————
وكل واحدة ليها حريه اختيار النظام الى هتمشى عليه بس اهم حاجه انها تلتزم بيه
وبالتوفيق ان شاء الله
جسمى سبب حزنى جسمى سبب حزنى 1107216_2.gif فتكات متميزة Fatakat 1107216 العريش (شمال سيناء) – جمهورية مصر العربية