السلام عليكم ورحمه الله وبركاته
زى مالعنوان بيقول بالظبط اه والله كنت هموت النهارده لكن الحمد لله رب العالمين ربنا كتبلى انا والبيبى عمر جديد
الحكايه من اولها انى كنت متابعه مع دكتور ممتاااااااااااااااااااز فى خلال فتره الحمل لكن الحلو ما يكملش الدكتور دا ما بيولدش لاسباب خاصه بيه
المهم انه الدكتور دا رشحلى دكاتره تانيين عشان اتابع مع حد فيهم وهو اللى يولدنى وفعلا روحت لدكتور تانى ومعايا تقرير بحالتى من الدكتور اللى كنت متابعه معاه
اخر مره بقا يا فتوكات روحتله وقلت له يا دكتور على فكره انا عندى الهيموجلوبين واطى شويه وكنت باخد حقن فروساك قام كتبلى على حقن تانيه خالص وقالى دى كويسه قوى وبتتاخد عضل
ماكدبتش خبر نزلت وجبت الحقن ويشاء القدير انى اخدها النهارده وقلت لجوزى قبل ما ينزل شغله يديهانى المهم انه عطهانى واخدتها من هنا وعينيكوا ماتشوف الا النور وشى ازرق وقلبى طلع عند زورى وبقيت بشونق ومش عارفه اخد النفس صرحت ونديت على جوزى الحمد لله لحقنى ودخلنى الحمام وحط راسى تحت الميه وسندنى ومشانى شويه فى البيت والحمد لله ربنا اكرمنى انى انطق الشهاده وفين وفين لحد ما ابتديت افوق
واما فوقت اتصلت بالدكتور دا اقوله على اللى حصلى وانى كنت بموت يقولى عادى ممكن تحصل حساسيه لبعض الناس طيب ربنا يهديك ما قولتليش ليه اعمل تست الاول
الاهم فى الموضوع بقا انه اكيد كلكوا معايا انى ما اروحش للدكتور دا تانى صح؟
انا خلاص ما بقتش مرتاحه انى اروحله اى نعم الاعمار بيد الله بس دا اللى حصل فى حقنه اخدتها مابالكوا فى الولاده ايه اللى يحصل
ايه رأيكوا اغير الدكتور ولا ايه
وادعولى ربنا يكملى على خير
وربنا يرزق كل مشتاقه يارب بالذريه الصالحه
قرصانه قرصانه 206340_3.gif ممنوعة من المشاركة Fatakat 206340 الاسكندريه – مصر
سبحان الله و بحمده