ياريت اى دكتور نفسيه او حد دارس علم النفس يرد عليا انا ابنى من صغره مرتبط بيا جدا مبيسبنيش لدرجه لما ادخل الحمام يقعد يعيط ولما كبر بقى 5 سنين حاليا بقى مرتبط بابوه جدا هو فاهم ان اللى بيموت بيدخل الجنه وكده ويدفن فى التراب المهم حسيت انه لما بتكلم مع اى حد مثلا والدى يقولى فلان مات النهارده يروح ابنى مركز اوى ويسألنى هو مين اللى مات ومات ليه ويتنح وقبل ما ينام دلوقتى لقيته بيعيط ويقولى لو انتى وبابا متم انا حعمل ايه قلتله ربنا بيحبنا وبيحبك ومتخفش ده ربنا بيحبك اوى وكلام من ده رجع بيعيط تانى ويقولى انا خايف لنموت كلنا قلتله وايه يعنى انت عارف حندخل الجنه وقعدت احكيله على الجنه بس انا مضايقه عشانه لانه حساس جدا وخواف اوى ومش عارفه اعمل ايه
رونى ام يوسف رونى ام يوسف 442538_4.gif فتكات هايلة Fatakat 442538 الاسكندريه – مصر
سبحان الله و بحمده