السلام عليكم ورحمه الله وبركاته
اخواتى الفتوكات حبيت اشارككم فى قصتى لان كتير منكوا هيستفيدوا منها جدا جدا
بدايه يا جماعه انا كنت حامل وربنا ما أردتش ان حملى يكمل وهقولكوا ليه لان انا حملى
كان غريب قوى اقولكوا كان غريب ازاى
انا كانت بتجيلى البيريود فى ميعادها كل شهر تقريبا
المهم انا اصلا مركبه لوب بقالى خمس سنين المهم البيريود اتأخرت شويه عليا الشهر ده
وكالعاده مشكتش فى حاجه لانى مركبه لوب واخدت دوا اللى بينزل البيريود
المهم فعلا نزلت فى نفس اليوم اللى حصلى بقى بعدها انى
تعبت جدا جدا ضغطى بقى واطى جدا وضربات قلبى سريعه ومبقدرش امشى نهائى
وكمان طول النهار نايمه المهم روحت لدكتور باطنه عادى جدا بعد 10 ايام وعملت تحاليل دم وبول
وطلع شويه انيميا وضغط واطى وخلاص وطبعا كتبلى على شويه ادويه وانا عماله ابلبع فيها
وانا ولا انا دريانه المهم برده فضلت تعبانه وابتديت حاله قرف من كل حاجه مش قادره ولا اكل ولا اشرب
وعماله ارجع تخيلوا كل ده ومشكتش انى حامل وافتكرت ان المراره تعبانى بسبب وجع جنابى
المهم صحيت فى يوم لقيت جوزى بيقولى الحقى انا قريت على النت ان فى حمل اسمه
حمل الغزلان وكل الاعراض اللى عندك دى موجوده مبقتش مصدقه لان من اعراض الحمل ده ان
ينزل بيريود فى ميعادها عادى جدا
المهم بعت جبت اختبار فى البيت طلع حمل مصدقتش ونزلت عملت اختبار حمل بالدم
طلع برده حمل ومش هتصدقوا فى 3 شهور وانا ولا دريانه ومطمنه للوب
المهم روحت للدكتوره وللاسف بقى شالتلى اللوب بس كان لازق جدا النهم تانى يوم
حصلى نزيف وللاسف فقدت الجنين قدر الله وما شاء فعل
انا بس حبيت اشارككوا تجربتى مع حمل الغزلان علشان تاخدوا بالكوا وربنا يوفق كل واحده فى حملها
يا رب ويتمم لها على خير
انا اسفه انى طولت عليكوا
ventolini ventolini 89515_3.gif فتكات رائعة Fatakat 89515 القاهره – مصر