بسم الله الرحمن الرحيم
طبعا انا جربت كل انواع التخزين وكنت بسمع كلام كل الناس واجرب واشوف ودى خلاصه تجربتى فى التخزين وبجد طرق مجربه وهايله وتقدروا تخزنوا الحاجه قبل ما تغلى فى رمضان
اولا الطماطم: تجيبى الطماطم وتغسليها وتقطعيها وتضربيها فى الخلاط وتصفيها كويس وبعدين تحطيها على النار لحد ما تاخد السواه بتاعها وتوصل للسمك الى انتى عاوزاه وتكيسيها لما تبرد وعلى الفريزر
ثانيا الباميه : فى ناس بتقول تاخد غلوه وتبرد وبعدين تخزينيها انا بقا وعن تجربه محبتش الطريقه دى ابدا ابدا انا قمعتها وغسلتها وعنتها خضرا ولما اطلعها تكون متجمده واحطها فى ماء مغلى والله بتكون زى الطازه
ثالثا الفاصوليا: بغسلها واقطعها واخزنها ولسه طابخه منها امبارح كانت جنان ولا غلوه ولا اتنين
ثالثا الملوخيه: قطفيها واغسليها وحطيها فى الكبه او المخرطه لحد ما تنعم وكيسيها وانا عشان بحطها فى المفرمه بجمدها ورق الاول فبيكون سهل فرمها احسن من لو كانت طريه
رابعا ورق العنب: برصه فوق بعضه واعينه وهو اخضر ولما يطلع ابقا احطه فى مايه مغليه
خامسا البطاطس : ومع احترامى لكل الطرق ابدا ابدا مفييييييييش فايده انا جربت طريقه انى اغليها واعينها واطلعها احمرها لاقيتها بتشرب كميه زيت رهيبه وحمدت ربنا انى مجربتش فى كميه كبيره بس لو عاوزه تخزنى البطاطس حماتى ومماما بيقولوا انى احطها على ورق فوق قطعه المطبخ او قطعيها وحمرى نص تحمريه ودى مش هتكون فارقه عن الفارم كتير
سادسا الكوسه: الحقيقه يا جماعه انا جربت كل الطكرق بس منفعتش ابدا بحس انها برضه بتكون مش زى الطازه وعموما هى مش بتغيب كتير
سابعا البسله: بفصصها واقطع عليها جزرها واخزنها خضرا وبتكون روعه وعلى فكره الجزر على البسله مش رفاهيه هو مهم جدا للحد من الاكسده فيها دا كلام دكتور فى التليفزيون
ثامنا القلقاس: هاتيه وقشريه وقطعيه وبعدين حمريه نص تحمريه وعلى الفريزر عدل
تاسعا الفول الاخضر: انا بعمله زى البسله وبيكون جميييييييييييل وبحبه فى الصلصه او كشرى الفول
عاشرا التوم : ودا بجد احسن حاجه تتخزن بيسعفك جدا جدا جدا هتجيبى التوم وتنقعيه فى مايه عشان قشرته وبعدين تقشريه وتفرميه وتعينيه فى الفريزر وبينفع جدا
دى الانواع الى فاكراها لو فى اى انواع هكتبها تانى اصلى بحب اخزن اوى معرفش ليه ههههههههههههههههههه
ارجوكم لو عجبكم الموضوع وافادكم ادعولى ومن قلبكم ربنا يرزقنى ذريه صالحه انا وكل مشتاقه يارب
مواضيع هذا القسم برعاية
اميرة الاحزان 2024 اميرة الاحزان 2024 400339_6.gif فتكات رائعة Fatakat 400339 مصر ام الدنيا – مصر
سبحان الله و بحمده