ازيكم يا فتوكات
انا امبارح للاسف قررت اعمل فطير مشلتت بس معرفش طلع ايه
المهم انا جبت نص كيلو دقيق عليهم معلقة لبن بودرة ومعلقة سكر ونص معلقة ملح وقعدت ازود مياه لغيت ما العجينة ظبطت ( من وجهة نظري طبعا ) وبعدين سبتها ترتاح حوالي ساعة الا ربع وبعدين كورتها وبدات افرد كل كورة واعملها مربع واحطها جوا بعض لغيت ما العجينة خلصت وطبعا بين الطبقات سمن وبعدين حطيتها ف يالصينية وسبتها ترتاح ربع ساعة وبعدين فردتها جوا الصينية ودخلتها الفرن
المشاكل بقي اللي حصلت :
اولا انا مش عارفة كمية المياه اللي حطيتها كتير ولا لا ف عايزة اعرف لكل كيلو دقيق حوالي قد ايه ميا لانها كانت بتلزق في ايدي وفي الطبق بس كل ما اعجن اكتر التلزيق يروح بس برضو فضلت تلزق كده شوية ف حاسة اني حطيت مياه كتير
ثانيا لما سبتها ترتاح ورجعت عشان اعملها كور الفتوكات قالو لازم تبقي عاملة زي اللبانة وتشد معايا لما عملت كده شدت حبه صغيرة وبعدين اتقطعت
ثالثا وانا بفرد الكور بقي بيبقي صعب جدا افرده ترجع تكش تاني ولو شديتها من الاطراف تتقطع ف طبعا فردتها بس كل طبقة كانت تخينة مش رفيعة لانها كانت بتتقطع كل ما احاول افردها زيادة
رابعا انا اعرف انها بتاخد ربع ساعة في الفرن وهي خدت نص ساعة لكل وش في الفرن عشان تتحمر
وف الاخر طبعا طلعت عكة هايلة مش فطيرة خالص ومن جوا طبقات تخيييييينة وملكومة
مع اني قعدت اعجن كتير في العجينة جدا بس معرفش ليه مكنتش بتتفرد معايا وبتتقطع ا
ارجوكم فيدوني نفسي اعمل فطير مشلتت في البيت بقاااااااااااااااا مواضيع هذا القسم برعاية
Dark Angel Dark Angel 386493_3.gif فتكات متميزة Fatakat 386493 الكويت – الكويت