السلام عليكم ورحمه الله وبركاته
اخبار الفتوكات الامامير ايـــــــــــــــه؟ يارب تكونوا كويسين
صلوا عالنبي الاول
بصوا بقي انا بخاف جدا من الموت وده لاني مش عارفه هدخل جنه ولا نار وبرضو مش عارفه ربنا راضي عني ولا …….. طبعا الشيطان بيمنينا بحاجات كتير ويقولك انتي لسه صغيره بلاش تفكري ف الموت– انتي فين والموت فين؟ ده لســــــــــــــــــه بدري وهكذا وهكذا لحد ما العمر بينا يضيع ونلاقي نفسنا ضعنا ضياع ملوش رجوع
طبعا هتقولولي طب ما احنا عارفين يعني انتي جبتي التايهه
هقولكو بالراحه عليا يا فتوكه منك ليها ما انا جايه ف الكلام اهـــــــــــــو
بصي بقي انا كنت سمعت مقوله كده قالها حد من الصحابه تقريبا بس مش فكراها
المهم ان الحل الوحيد علشان نهرب من احساسنا ده
.
.
.
.
.
.
.
.
هو انك تعيشي يومك ده علي اساس انه اخر يوم ليكي ف الدنيا
بمعني انك تخلي الاستغفار دايما علي لسانك والدعاء بان ربنا يجعل خير اعمالنا خواتيمها وان ربنا يجعل الشهاده اخر ما ننطق به وان ربنا يجعل اخر انفاسنا ف سجده بين يديه
انا كنت بخاف من الموت بطريقه فظيعه للسبب ال انا قولته وعلشان كمان هيحرمني من كل الناس ال بحبهم
وخايفه كمان من ظلمه القبر ده انا بس النور لما بيقطع ببقي بترعب كده ما بالكو بقي القبر ؟؟؟؟؟؟؟؟؟؟
بس انتي بقي حاولي انك تعملي كده وانك لو كنتي مخاصمه حد روحي بسرعه وصالحيه وزوري قرايبك ال انتي مخلياهم ف البلاك ليست عندك واسمعي كلام بابا وماما وانا كمان هحاول اسمع كلامهم ع طول
واقري دايما سوره الملك لانها منجيه من عذاب القبر
ساعدي الناس حتي لو محدش طلب منك كده بادري انتي بمساعده الناس واهو هتاخدي الثواب والاجر ولو جيتي ف يوم وظلمتي حد حاولي انك تردي المظالم دي وادعي كتير للاموات النهارده انتي بتدعيلهم وبكره تلاقي ال يدعيلك يا فتوكه كله سلف ودين وافتكري دايما ان الانسان بيموت فجاه وبدون مقدمات
يعني ممكن وانتي قاعده تقري موضوعي دلوقتي ربنا ياخد امانته
انا بهرج طبعا مع انه حقيقي بس ربنا يبارك ف اعماركو يــــــــــــــــــــــــارب يـــــــــــــــــــارب
امانه عليكي يا فتوكه انتي وهي ال تشوف الوصيه بتاعتي دي تدعيلي قبل ما اموت
وليك الاجر والثواب يا فاعل الخيـــــــــــــــــــر
المش مهندسه دودو المش مهندسه دودو 773084_3.gif فتكات نشيطة Fatakat 773084 المنيا – القاهره