السلام عليكم يا احلى فتاتيك اخباركم اية
أنا جاية النهاردة علشان احكيلكم حكايتى مع الرجيم قبل وبعد والتغيير اللى حصلى فى حياتى وياريت متقولوش عليا رغاية ههههههههههههههههههه
هيا حكايتى مع الزمان اية………….آة آة قصدى حكايتى مع الريجيم وتاثيرة على حياتى الاسرية
انا فى الاول طولى بلا فخر وبدون ضحك 150 اة 150فية مانع اية المشكلة لاطويلة قوى ولا قصيرة قوى يعنى المهم وزنى برضة بلافخر …………….(85)كيلو طبعا كتييييييييييير جدا على واحدة فى طولى المهم جربت رجيمات كتير وبلافائدة لان عزيمتى كانت زفت الزفت اة والله بضعف جداااااااااااا قدام الاكل من محاشى لمكرونات ومخبوزات و……………كل حاجة بتخن من الاخر ومليش فى الحلويات قد كدة بس بموووووووووووووووووووووووووت فى المخلل ودة نصيبة لوحدة
المهم جيت فى يوم من الايام عايزة اشترى هدوم اوم اية ….اوبا ملقيش مقاسى ولو لقيت يكون عبارة عن شال او تونيك مفتوح المهم اى حاجة وبتكون مدارية الجسم لكن تايير مثلا او اى طقم جميل لايق على الجسم ابدااااااااا عليكى بقا و3 اكس علشان الاقى وكمان علشان الاقى مقاسى ا و اى حاجة مناسبة ليا اروح قسم الستات الكبار مع احترامى ليهم طبعا بس الازواق فى الهدوم مش مناسبة ليا لان طبعا كل سن ولية اللبس اللى يناسبة وكمان الالوان كمان مش مناسبة
وانا نفسيتى تعبت جداااااااااااااااااااااااااا جداااااااااااااااااااااااااا جداااااااااااااااااااااااااااااااااااا
لدرجة وصلت انى كنت بعيط كتير ودة طبعا اثر على حياتى الاسرية مع جوزى انى كنت على طول حاسة انى وحشة ومكتومة فى بعضى وجوزى ماشاء الله علية طوييييييييييييييييييل عنى بكتير وجسمة جميل لانة كمان كان بيلعب حديد قبل الجواز فجسمة رياضى وانا جنبة عاملة زى ………….ولا بلاش
ولا لاقية طقم شورت البسة او قميص كت او………….اقعد اقول يعنى يارب:: مش كفاية هدوم الخروج مش لاقية كمان هدوم البيت هو انا ناقصة
نفسى احس انى حلوة وجسمى متناسق مع بعضة ولكن والله للامانة جوزى عمرة محسسنى او قالى حاجة بالنسبة لجسمى بالعكس كان بيقعد يقولى انتى مش تخينة انتى حلوة كدة ودة فية كتيير اتخن منك ومش عاملين مناحة كدة زيك فى البيت
لقيتنى اتقفلت من كل حاجة وزهقت من نفسى وكرهت المراية اللى اى واحدة ست بتحب تقعد قدامها بالساعات تتزوق انا كنت بستخبى منها ههههههههههه اة والله بستخبى علشان مشوفش الفضايح والبلاوى اللى انا فيها
وهنا اخدت القرار اللى كان لازم اخدة من زمااااااااااااااااان وهو انى اعمل ريجيم وقاسى كمان وذهبت لدكتور وتابعت معاة وجوزى اول واحد ذهل من النتيجة وانا بقا قعدت اصور نفسى بموبايلى بنفس الطقم ونفس المكان علشان اشوف التغيير اللى بيحصلى اثناء الريجيم وعملتة فى اصعب وقت وهو شهر 11 يعنى بداية الشتاء والواحد كان بيوحوح من قلة الاكل بس كنت متاكدة انى لو سبت نفسى للجوع وزنى هيعدى 90واكتر وانا قصيرة والموضوع مش ناقص وهضطر انى اكسر المرايات بقا ملهاش حل تانى ههههههههههه علشان ارتاح بس كنت كل مااروح للدكتور والاقى نفسى بخس ياااااااااااااااااااااااااااة :sFun _bananaunripe:على كمية السعادة اللى بكون فيها ودة بيزدنى اصرار وعزيمة انى اكمل وحاليا بلافخر بعد حوالى 4 شهور متابعة مع الدكتور وصل وزنى الى 69 كيلو لووووووووووووولوووووووووووولىىىىىىىىىىىىى يعنى خسيت 16كيلو
ودلوقتى جة التاثير الايجابى اللى عمرى محسيت بية فى حياتى وانى لما خسيت واول مرة انزل اشترى هدوم يختى عليا وعلى اللى حواليا مش عارفة اقيس اية ولا اية الهدوم كتيييييييييييييير واللى مقاسى اكتر وكمان اللى فرحنى بزيادة انى كنت مع جوزى وبناتى بنتفسح فلفت انتباهى طقم جميل فسالت الراجل صاحب المحل دة مقاسى تخيلوا قالى اية ؟؟؟؟؟؟؟؟؟؟؟؟؟؟؟؟ لا دة كبير يامادام عليكى فية اصغر منة ممكن يجى مقاسك
اخيراااااااااااااااااااااااااااااااااااااااااااااا اااااااااااااااااااااا يارب سمعت كلمة دة كبير عليكى كنت دايما اسمع لا مقاسة صغير عليكى لا انتى ممكن فى المقاسات الخاصة دة لدرجة ان جوزى فرح بيا جدا جدا وقالى انتى اتغيرتى خالص وكدة احسن بكتييييييييييييير فقولتلوا امال كنت ساكت عليا لية ياراجل قالى ماانا كنت خايف ميكنش عندك عزيمة بس مين دة انتى اسد هههههههههه ونفسيتى الحمدلله اتظبتت كتير جدا عن الاول والمراية معنتش بسيبها كل مااجى اعدى من قدامها احس ان بقيتى جاى ورايا اة والله وشكلى بقا صغنون وشكلى فى البيت اتغير ولقيت مقاسى فى الشورت والكات وكمان فى السواريهات فى الافراح شكلى اتغير جذريا وكل اللى يشوفنى يقولى انتى خسيتى كدة لية عملتى اية وصاحبتكم اية مبسوطة على الاخر(متكسفونيش بقا ) والحمدلله حاسة انى لسة عروسة جديدة من السعادة اللى انا فيها والرشاقة فى كل حاجة فى البيت
وعلشان كدة بنصح كل فتوكة سواء متجوزة او لا ان الريجيم بيغير كتير فى الشكل الخارجى والداخلى كماااااااااااااان
ودى تجربتى مع الريجيم قبل وبعد وياريت اللى مكنش عندها عزيمة زيى تتوكل على اللة وصدقينى هتتغيرى للاحسن
انا عارفة ان كلامى دة اكيد سمعتوة كتير بس حبيت تشاركونى فرحتى ويارب اللى عايز يخس يكون زيى واحسن
ومتنسوش التقيييييييم والردود وياريت متبخلوش بالرد عليا لتشجيع كل الفتوكات المكلبظين
ودة لينك الريجيم بتاعى شامل التمارين والادوية والنظام الغذائى
https://forums.fatakat.com/showthread.php?p=39303680#post39303680
ميويتى 1 ميويتى 1 391223_2.gif فتكات رائعة Fatakat 391223 المنصورة – القاهرة
سبحان الله و بحمده