ازيكم يا قمرات
انا محتارة كدة في موضوع وقولت الافضل اني استشيركم لأن محدش من اللي حواليا موافقيني
الموضوع اني حامل بالشهر الرابع وموعد ولادتي بإذن الله يوم 3 من شهر 7
المشكلة بأه اني كنت بدرس بجامعة ووقفت قيدي الكورس اللي فات عشان الجواز ودلوقتي الكورس اللي جاي كمان 3 ايام ويفتحو التسجيل وانا خايفة اسجل عشان اسباب كتير
ده اول حمل ليا ومعنديش خبرة بالموضوع ده وخايفة اني اتعب اخر شهر بالحمل وبإذن الله على اخر شهر الحمل هتكون امتحانات اخر السنة وعليها درجات كتير وخايفة ان التعب ده يأثر على دراستي خصوصا اني من دلوقتي والله وانا حاسة بتقل في الحركة وخمول
ده غير ان المواد اللي هسجلها مواد تخصص وعليها نقاط كتير ولو جبت فيهم درجة مش كويسه هتنزل معدلي وهتضيع تعبي السنة اللي فاتت لأن المعدل في الجامعه تراكمي
يعني مثلا اتصورو اني بالرغم اني جبت بماده تخصص جيد جدا مرتفع الا انها نزلت معدلي برضو لأن عليها نقاط كتير
غير ان الجامعه خاصة يعني بصراحة مصاريف زيادة ولسه مصاريف الحمل والولادة والموضوع ده برضو قالقني جدا
كل ده مع العلم اني مش صغيرة عندي 24 سنة بس كنت بحارب لحد ما ربنا كرمني بالجامعة دي
والدتي بتقولي اهتم بمستقبلي وان مش هيكون في تعب خالص اخر فترة الحمل وان الشهادة اللي هتقعدلي ومفيش حد هينفعني غيرها واللي كويس معايا النهارده مش هيكون كويس معايا بكره وان دي فرصة كويسة اني معنديش اطفال لسه واستغل الكورس ده
بس انا ببص للاسباب اللي قلتهالكم وبقول ابقى اسجل اول كورس من السنة الجاية ان شاء الله
قولولي اعمل ايه اديني قلتلكم اللي بفكر فيه واللي بتقولهولي والدتي
هنتظر منكم المشورة يا قمرات
7enna 7enna فتكات هايلة Fatakat 281274 قلب حبيبي – قلب حبيبي
سبحان الله و بحمده