السلام عليكم يا اجمل صحبة
ركزوا معايا الله يخليكم عشان الموضوع متشعب شوية
انا متجوزة من 8 سنين عندي ولد عمره 6 سنين
اخيرا وبعد طول معاناة من اقناع جوزي اننا نجيب تاني وافق روحت لدكتور وصفهولي ناس راحولوا بسبب تاخر الحمل وربنا كرمهم
كشف عليا بالسونار المهبلي ومعلقش على كشف السونار خالص وسالني اذا كان وزني زاد قولتله طبعا زاد كنت 65 وبقيت 85 الراجل اتخض طلب مني شوية تحاليل منهم تحليل tsh
اللي هو فهمت بعد كدة انه تحليل الغدة الدرقية وطلع 6.8
المهم قالي لازم تروحي لدكتور غدد يعالجهولك قبل اي حاجة
دورت كتير على دكتور غدد قريب مني كان مواعيده متاخر اوي وبالصدفة اختي كانت بتشتغل عند دكتور باطن وقالتلي ان في حالات كتير غدد بتجلهم وساعات الدكتور بيطلب تحليل غدد وبيعالجها سالت دكتور النسا قالي مفيش مشكلة ان الباطني يعالجهالك
روحت لدكتور الباطن كتبلي التروكسين 100 وقالي بسيطة ان شاء الله ومفيهاش اي مشكلة بس كشف عليا بالاشعة لان دي طريقته ف الكشف وقالي الحمد لله الرحم تمام والمبايض والكلى والرئة كله الحمد لله بس الفاجعة الكبيرة انه قالي عندك حصوة ضخمة ف المرارة لا يمكن ان تحل بدون عملية وسالته اذا ممكن ااجله 3 او 4 سنين لظروفي قالي طول ما انتي محافظة اجليها
قولت يا بت مبدهاش روحي لدكتور تغذية يظبط الكلام
طبعا روحت ودكتور التغذية مادانيش اي علاج عشان ظروفي الصحية قالي احاول اخس بمجهودي
المهم انا متابعة بقالي شهر اول اسبوع نزلت 3 كيلو وبعد كدة بنزل جرامات بالعافية
دكتور التغذية فاجاني وقالي انتي عمرك ما هتخفي من الغدة ومكتوب عليكي العمر كله تحافظي على اكلك ووزنك كمان مش هيقل وحاولي تقفي على 81 اللي وصلتلها وارجعي لدكتور النسا مفيش داعي تاخري الحمل من غير فايدة جوزي سمع كدة وصمم اننا نرجع لموضوع الحمل وقاعد يقولي مانتي مبتخسيش اهو ناجل ليه
هل كلام دكتور التغذية صح وهل انا هافضل طول عمري اخد دوا الغدة ولو بطلته هارجع تاني تحاليلي وحشة والاهم من كدة ازاي احمل وانا وزني عالي كدة
ارجوكم اللي مرت بتجربتي تقولي عملت ايه وماشية ازاي
لمار وسوار لمار وسوار images/avatars/pacifier.jpg فتكات رائعة Fatakat 286909 الاسكندرية – مصر