صباح الخير يا فتوكات يا جميﻻت
عشان عارفة انى مش لوحدى فى اللى بعيشه كل شهر .. حبيت نتشارك ونحاول بفضل ربنا اوﻻ وبمساندتنا لبعض ثانيا ان شهرنا يعدى "اقصد الفترة ما بين التبويض ومعاد البريود" يعدى بسﻻم واحنا مش كسبانين راحة بالنا ..كسبانين يقيننا فى الله انه هيكرمنا قريب اوى اوى.. لو مكنش الشهر دة هيكون اللى بعده او اللى بعده..
ﻻ قلقى هيقدم وﻻ هيأخر من رزقى.. يبقى ليه أقلق بئا !
اه فى دكاترة بيقولو القلق بيأخر واولهم دكتورتى ﻻنى بفضل احرك وافرك واسأل ف كل حاجة عشان مسييش هفوه او احتمال بسيط انه ميحصلش الحمل.. وسبحان الله برغم كدة مبيحصلش.. ﻻنها ارادة ربنا..
وانا عندى قناعة بردو انى حتى لو قلقت وربنا كاتب الشهر دة هيحصل.. بقولك كدة ليه يا قمر. ﻻنى قبلك كل ما حد يقوللى متقلقيش بقلق اكتر دة طبيعى جدددددا ﻻنها مش بزراير الحكاية ..صح وﻻ اية ..
بس ممكن نعمل حاجة بديله.. اننا فعﻻ يكون عندنا ارادة وثقة بالله قوية .. ونعتبر ان اى عرض بنسمع انه بتاع الحمل انه مجرد تهيؤات او خاجة بعشم نفسي بيها.. وكل ما افكر ف دة ﻻ اراديا اقول " فوضت أمرى اليك يارحيم :
وأداوم على سورة يس .. فهى لما قرأت له.. اقراها بنية انه ربنا يرزقنى .. واقراها بنيى انه يريحلى بالى وقلبى .. ويبصرنى بالحقيقة.. استقوى بربنا اوى يا حبيبتى .. عشان لما تدوخى وﻻ نفسك تغم عليكى وﻻ ضهرك يوحعك ويبقى السبب البﻻبيع مش الحمل.. ربنا يصبرك ويصبرنى .. زيجعل نفسنا هادية وراضية .. وادعى دايما .. ارب ارزقنى نعمة الصبر ونعمة الرضا ونعمة الشكر ..
اتفقنا..من هنا ورايح مش هنفضل نحلم احﻻم يقظى ومع اى وجع نقول حصل .. عارفة انه ف الاول صعب..عشان كدة بستقوى بيكو بعد القوى المعين .. شاركونى ارائكو وشجعونى .. ربنا يرزقنا جميعا اللهم آآمين
توتي حبيب عمري 🙂 توتي حبيب عمري 🙂 854955_1.gif فتكات متميزة Fatakat 854955 القاهرة – القاهرة
سبحان الله و بحمده