حبيباتي الفتوكات
البنات والستات
موضوعي فكرته اني هقولكم كل النصايح البسيطة ال بتغيب عننا
في اي موقف في المطبخ او الشقة اللبس التنضيف من خبرات حماتي العزيزة
اوي اي حد نصحنا بنصيحة تفيدنا مش بس حمواتنا لا ءاصحابنا كمان جيرانا معارفنا
وكل واحدة تقولنا خبراتها محدش يبخل علينا باي معلومة اوكي
يالله بسم الله نبدأ
حماتي قالتلي :
-اذا تبقي عندك باقي البصل اللي بنحشي بيه البطة"المرتة" يعني طبعا كلنا عرفين حشو البطة
"بصل عليه فلفل وكمون وملح وزيت وبعدين تتسوي علي النار شوية ونضع عليهم القنص والكبدة
مقطعين صغير ثم شوية زبيب ونحشي البطة "
طيب لما ناكل اللي اتبقي من حشو البطة دا نرميه لاء احتفظي بيه في كيس تلاجة في الفريزر ولما تيجي
تعملي عجة بيض استخدميه فيها وزودي بس شوية خضرة عليهم وربي البيض وحطيه عليهم وف الفرن
وبالف هنا.
-عندك بقعة زيت في الملابس متبلهاش مية خالص غير لما تفركيها بحبة بودرة تلك بتاع الاطفال وسيبها شوية
وبعدين اغسليها .
-لما تيجي تفرمي بصل في الكبة او التوستا حطي عليها حبة زيت علشان متصننش.
-وانتي بتعملي القلقاس ما يغلي اعصري عليه ليمونة علشان يفضل ابيض.
-لما تعملي سمك صيدية اعصري عليه وهو بيغلي ليمونة علشان الفصوص تشد بعضها وميتهردش.
-لما تيجي تتبلي السمك المقلي حطي في التتبيلة اللي هي
"ثوم وفلفل وكمون وملح حطي ليمونة بقشرها ولفيهم في التوستا"ليه بقي الليمونة بقشرها
علشان تخلي السمك يحمر في المقلاية .
دا اللي انا فاكراه دلوقتي فتوكات يالله هو واحدة فاكرة حاجة تيجي تقولهالنا
ودعواتكم ليا لا تنسوها ولزوجي .
مواضيع هذا القسم برعاية
اروي 4 اروي 4 فتكات هايلة Fatakat 357873 اسكندرية – مصر