السلام عليكم ورحمة الله وبركاتة …اخواتى وحبايبى فتكاتى فتاتيكى الحلوين ازيكم النهاردة؟كام وحدة بتلبس عدسات ملونة؟كام وحدة جايباها وشايلاها للجواز ولاللمقابلة ولاللمناسبات..ولا….ولا….ومتعرفيش انك بتشترى الضرر لعينك الغالية….انا بقالى خمس سنين بستعملها استعمال خفيف فى المناسبات والاعياد وجربت كل الاصناف جربت بوش اند لومب وتراى كلر وفريش لوك وتوتى بتاعة برة ….وطبعا الوحدة كانت بتعد معايا ست شهور زى ما كانو بيقولولى فى المركز اللى بشترى منه ….لكن للامانة الطبيب اللى مغربى حذرنى منها وقالى اقصاها شهر من اول استعمال حتى لو مش بتلبسيها وانا قلت دة بيخرف يعنى اشتريها باد كدة ومالبسهاش كام مرة على بعض!ونفضتلة طبعا وجبت توتى وفريش لوك الامريكى وبقالهم سبع شهور تقريبا معايالان الراجل اللى اشتريت منه قالى مدتها ست شهور قلتلة لو مش بلبسها كتير قالى ممكن سنة بس تحافظى عليها!المهم ياحبايب بقالى فترة كدة مش بلبسها…من قيمة شهر كدة لاحظت زغللة غريبة فى عينى بتروح وتيجى …قلت مدام بتروح يبقى تهيؤات …لحد مابقت دلوقتى مبتروحش اجى ابص فى وش ولادى الاقى حواجبهم وعينهم اربعة …ابص فى التلفزيون شايفة الكتابة اتنين ….خفت جدا طبعا قلت دة استيجماتيزم خلينى اروح اعمل ليزك…المهم رحت للدكتور احمد اسماعيل وهو حد كويس جدا وشاطر جدا ….كشف عليا بالكمبيوتر ومن غير كمبيوتر وقالى انت نظرك 6على6 انت شايفة من غير نظارة اللى انا مش قادر اشوفة بالنظارة لكن؟بتلبسى عدسات ؟قلتلة اة….قالى اكيد المشكلة منها لان العدسة بتبدا تتحلل والكيماويات اللى فيها تخرج وتضر العين بعدشهر فقط من اول استخدام ليها ودة طبعا بالنسبة لاغلى وافضل نوع …اللى هو بوش اند لومب فما بالك بالرخيص؟….قلتلة طب اية الحل قالى طبعا ابطلها وكتبلى قطرة هاى فريش 3مرات فى اليوم لمدة اسبوعين…زطبعا روحت رميتهم وبستعمل القطرة الحمد لله عينى هديت شوية بس لسة برضو …قلت لازم احكى اللى حصل لاخواتى حبايبى واحذرهم مايسمعوش كلام حد الا لما يكون دكتور متخصص وخاصة فى حاجة تخص عنينا ….اة على فكرة الدكتور قالى ان مراتة بتطلب منة العدسات لان هو عندة مركز وهو بيرفض ومش بيرضى يجيبلها ….وبياكد على الناس انها متستعملهاش اكتر من شهر ….اللى عندها عدسة عمرها اكتر من شهر تقوم تتخلص منها فورا!
موج البحر4 موج البحر4 386672_1.gif فتكات ست الكل Fatakat 386672 القاهرة – مصر
سبحان الله و بحمده