مساء الخير لاحلى فتوكات مصر والوطن العربى
النهارده عملت كشك الماظ بالتفاصيل الممله حصريا على مدونة فتكات
تعالوا نبتدى مع بعض
المقادير
فرخه كبيره وبنت حلال ومتربيه عالغالى-10كوب زبادى-كوب صغير رز مصرى- كوب كبير دقيق-بصله كبيره مقطعه مربعات-)لعمل صلصة الكمونيه(عصير طماطم 8 فصوص توم ومعلقه كبيره كمون مطحون)سمنه وملح وفلفل فى الصوره توضح مقادير سلق الفرخه وهى عباره عن جزر وبصلوورق لورى وجزر وحبهان وملح وفلفل
الطريقه
بعد سلق الفرخه فى مكونتها صفينا الشوربه فى حله جديده ووضعنا فيها كوب الرز بعد غسله ليتم سلقه فى الشوربه
وبعد نضجه نضيف اليه الزبادى وقد فرغنا الاكواب فى طبق عميق ونربه بالشوكه وننزل بيه على الشوربه المسلوق فيها الرز
ونقلب الزبادى مع الرز المسلوق فى الشوربه الى ان يغلى
نيجى للدقيق نرب الدقيق فى لبن او شوربه بس تكون بارده او شوية مايه ويكون سمك الدقيق المربوب كانه عجينة الكريب السائله ونضيفه على المقدار السابق ونتركه يغلى على النار مع التقليب المستمر(الناحيه التانيه من الصوره مقطعين الفراخ الى ارباع ومدهونه بصلصة طماطم ومرشوش عليها ملح وفلفل ودخلناها تحت الشوايه)
وهنا بنحمر البصله حتى يصبح لونها دهبى
بعد تحمير البصله ناخد البصل ونصفيه من السمنه فى طبق لوحده ونضيف سمنة التحمير الى حلة الكشك
وده شكل الطبق النهائى
نيجى لصلصة الكمونيه
ندق التوم مع معلقة الكمون الكبيره حتى يصبح شكله مثل العجينه ونقوم بوضعه مع معلقة سمنه كبيره ونقوم بتحميره الى ان يشقر لونه
ثم نضيف اليه عصير الطماطم ونظبط الملح والفلفل ونتركه يتسبك
وده شكلها النهائى
اتفضلوا معانا وبالهنا والشفا
مواضيع هذا القسم برعاية
فتوكه مصريه37 فتوكه مصريه37 216201_3.gif فتكات ست الكل Fatakat 216201 القاهره – مصر