ازيكم جميعاً النهارده حبيبت افيديكم بأكله وااااااااااااااااو بجد عملتها وطلعت تحفه تحفه تحفه حقيقي ماشاءالله ومفيده جدا كلها خضروات وقليلة السعرات الحرارية وخاليه من الدهون تماماً
دي الصورة النهائية عشان افتح نفسكم للمتابعه وبعد كده الصور بالتفصيل المش ممل ( متنسوش التفيييييييم )
ندخل على المقادير والطريقة
المقادير : بتجيبي يا ستي فلفل اخضر واحمر واصفر وبرتقالي وتاخدي نص من كل واحده
بتجيبي 3 بيضات كبيرة +بصلتين حلوين كده + 2 حبة طماطم وسط + 2 معلقة شوفان كبيرة + 7 علبه مشروم طازج او معلب + حبات زيتون خالي من الملح +معلقه بيكنج بودر + معلقه كبيرة واحده جبنة موتزريلا
ملح + فلفل + كمون _ على حسب تذوقك انتي ممكن بهارات عادي يعني
الطريقة
اولا لو عندك حلة بخار صغيره حطي فيها المشروم يستوي بسرعه على البخار لو مش عندك حطي حلة فيها شوية ميه وفوقها طبق استانلس او حاجة تخليه يستوي على البخار علشان مش عاوزين ندخل دهون او ممكن طاسه تيفال فيها شوية ميه صغيره جدا وحطيه فيها لغاية ما ينزل ميته ويستوي
ده شكله في الحله
بعد كده بنجيب طبق غويط ونحط فيه البيض والبصل وكل المكونات اعلاه ومعلقة الموتزريلا ومعلقتين شوفان والبهارات و الكمون وكله كله حنضربهم مع بعض
بعد كده بتجيبي صينية وسط ومعلقة صغيره جدااااااا زيت تمسحي بيه الصينية وترشيها برشه بسيطه شوفان كده بدل الدقيق طبعا ودي الصورة
بعد كده بنحطها على نار البوتاجات ثواني لغاية ما البيض من تحت يمسك زي ما شايفين في الصورة كده
وبعد كده حندخلها الفرن بتاعنا ونشغل الفرن من فوق وتحت شوية لغاية ما تعلى وبعدين نطفي الشوايه لعاية ما تستوي وبعدين نشغلها علشان الوش يحمر مش حبتاخد 10 دقايق في الفرن اصلا
التقييييييييييم متنسوش تعبت علشانكم [/color] مواضيع هذا القسم برعاية
أم عمر 2024 أم عمر 2024 فتكات نشيطة Fatakat 1177090 ابو ظبي – الامارات