السلام عليكم ورحمه الله وبركاته
كل سنه وانتو طيبين ورمضان مبارك عالجميع يارب
والف مبروك لكل الحوامل الجداد اللي زيي كده
وعقبال كل مشتاقه عن قريب ياااااااااب
انا بقالي كم يوم عندى كحه تعبانى جدا بس كنت بتنفس عادى
من امبارح بقي البلغم وقف ف صدري وكانى بتنفس من ضهري والله وهتجنن
وكنت هموت امبارح
روحت بليل لدكتورة غير بتاعتى لانى ملقتهاش
وكتبتليسينا ويت دوا شرب للكحه
وسيفامول فوار اقراص للبرد
ومن بليل لدلوقتى خدت العلاج مرتين بس حسه التحسن بطيء والبلغم كاتم علي نفسي خالص
هى كتبتلي علي برشام مضاد حيوى اسمو روفاميسين بس خفت اخدو حتى الصيدلي قالي مفروض الحوامل ميخدوش مضادات حيويه مش عارفه ده لايه اصلا؟
ياريت تفهمونى اعمل ايه ده اول حمل ليا وحيرانه اوى
المهم بس اخرج البلغم اللي فصدرى ده واحس انى بتنفس عادى ازاى بسرعه ربي يخليكم
اشرب ينسون ولا اعمل ايه طيب بالله عليكم فيدونى
لانى تعبانه بجد
marwa_queen_obs marwa_queen_obs 632727_15.gif سوبر فتكات Fatakat 632727 القاهره – مصر