السلام عليكم ورحمه الله وبركاته
ازيكم يا اخواتى الغاليين
انا تعبانه قوى ربنا عالم بكتبلكم ازاى ببكى ودموعى مش شايفه الشاشه
انا كنت مانعه الحمل لحد شهر واحد وبعدين لقيت لبن فى صدرى كتير باين منشفش كويس بعد ما فطمت ابنى المهم قالولى انه بيمنع الحمل رحت تركت المانع فى اخر شهر واحد جيت فى شهر اتنين جاتنى عادى قلت يبقى فعلا بقى اللبن مانع وكتير قالولى مش هتحملى الا لما تنشفيه
المهم الشهر ده اتاخرت ورحت كشفت اول امبارح وطلعت حامل فى 31 يوم يعنى بعد الدوره اللى فاتت على طول
دلوقتى انا درسى مخروم وواصل للعصب يعنى يا حشو يا خلع والدكتور قالى طبعا حشو
وكنت لسه هعمل اول جلسه والحمدلله انى معملتش لانى مكنتش اعرف انى حامل
دلوقتى طبعا كله بيقلى مينفعش
انا بقى مش قادره اوصفلكم لا قادره اكل ولا اتكلم لو الهوا دخل بقى اصرخ ولا اشرب انا بموت انتوا عارفين الم العصب
اعمل ايه استنى ازاى 9 شهور عالوضع ده
انا حاسه ان نص وشى مشلول ومنهاره قلولى اعمل ايه يارب يكرمكم وميكتبش علينا ولا عليكم وحش ابدا
البرنسيس ميودة البرنسيس ميودة 406505_16.gif فتكات رائعة Fatakat 406505 الصعيد – ام الدنيا