انا ليافتره كبيررره من غير حمل ربنا كرمني وقت ماقولت خلاص هنسا الحمل وعرفت اني حامل وفرحتي مكانتش تتقدر ابدا ورحت عملت سونار الدكتور ملاقش كيس الحمل في اول شهر في الاسبوع الرابع وقالي اروح له كمان اسبوع ورحت له في الاسبوع الخامس وسبحانك يارب المفاجئه حامل في تؤام فضلت احمد ربنا واشكره والدكتور قالي تعالي كمان 3 اسابيع نشوف النبض والجنين لان الكيس كان ظاهر بدون جنين وقالي عادي لما هرجع اروح له تاني هيظهر
لكن انا تعبت جدا امبارح ورحت بعد اسبوعين فقط مش 3 زي ما قال يعني في الاسبوع السابع والمفاجئه انه لاقي جنين واحد ظاهر في كيس وباين جدا والحمدلله النبض موجود والكيس التاني كبر بس الجنين لسه ماظهرش ولا حتي النبض
وانا قلبي انكسر اوي بعد ما فرحت ان ربنا كرمني بتؤام بعد طول انتظار اتخضيت لما شفت جنين في كيس والتاني فاضي والدكتور قالي هننتظر كمان اسبوعين لو ماظهرش ممكن يكون كيس فاضي فعلا
مين حصل معها كده طمنوني انا بعيط علي طول وجوزي ياعيني نايم حزين وبندعي ربنا يكتب لي نصيب في الاتنين ويظهر الجنين
راجيه الله راجيه الله فتكات حبوبة Fatakat 292935 القاهرة – مصر
سبحان الله و بحمده