حاجه لازم تاخديها من الولاده حتى الموت

السلام عليكم ورحمه الله وبركاته
يارب كل الفتوكات يكونوا بالف صحه وعافيه
هدخل ف الموضوع على طول
طبعا اى بنت بتتعرض لاهوال من ساعه الولاده لحد مايتوفاها الله
ربنا يبارك ف اعمارنا جميعا
بدايه من الختان والدوره الشهريه للحمل والولاده والرضاعه وتربيه الولاد وشغل البيت اللى مش بيخلص
وف خلال الرحله دى والمتاعب اللى فيها الست بتفقد عناصر مهمه جدا وبالتالى صحتها بتتاثر بدرى بدرى
ومن العناصر دى (الكالسيوم)
سمعت التعبير ده من دكتور عظام (الست لازم تاخد كالسيوم من اول ما تتولد لحد ماتموت)
وعجبنى قوى وقلت لازم اقولكم عليه
كام واحده فينا بتفتكر تاخد كوبايه لبن كل يوم او حتى زبادى؟
واللى بتفتكر فينا ساعات تستخسرها ف نفسها عشان ولادها
كام واحده حامل بتشرب لتر لبن ف اليوم؟
كام واحده جالها هشاشه عظام بعد الولاده؟
كام واحده سنانها اتاثرت من الولاده والرضاعه؟
عشان كده نحاول على قد مانقدر اننا نحافظ على وجود الكالسيوم ف حياتنا بصفه يوميه
وكل يوم نشرب كوب لبن او بيضه او زبادى ونركز على الخضروات والفواكه الغنيه بالكالسيوم عشان مانضطرش ناخد الكالسيوم كاكبسولات بعد كده والفتوكات القمرات صحتهم تبقى عال العالhttps://files.fatakat.com/smilies2016/smiley-pray.gif
من فضلكم اللى يعجبها الموضوع ياريت تقيمه عشان اكبر عدد يشوفه

loly_vet loly_vet 307849_7.gif فتكات هايلة Fatakat 307849 الاسكندريه – مصر

سبحان الله و بحمده