بصو بقه انا اصلا زهقت ولله من وزني وحاسه اني زي ماكون اتخن واحده كل لمه اقابل حد الاقيه رفيع هوه في ايه بالظبط
انا وزني دلوقتي 85 وان شاء الله من بكره هابدا الديت ده
الديت ده عباره عن ايه
انا لاحظت ان كل الرجيمات بتعتمد على السلطه والخضاروات
انا بقه قلت ايه
طيب ومالو صحيح مش بحب السلطه اساسا
بس يعني هاجي على نفسي مهو انا باجي على نفسي في حجات تانيه كتير يعني اشمعنى دي
شوفو بقه ناويه اعمل ايه
لمعلوماتكم ان شاء الله انا ناويه بكره اعمل كشري يعني هاكل كشري بكره وانا عامله ديت
اه ولله
انهرده بليل هاعمل طبق سلطه معتبر كده وهحط عليه التوابل دي( شطه وكمون وقرفه وجنزبيل ) دي البهارات البتزود من الحرق والمفروض نشربها بس انا بصراحه خايفه على معدتي فقلت احطها في السلطه وخلاص
ان شاء الله نبدا اول يومنا بكوبيتين ميه تمام
هنعمل الفطار الاحنا عايزيينو عادي جدا يعني بتحبي تفطري ايه
فول ولا جبنه رومي ولا بيض ولا مربى حتى عادي جدا
بس قبل متاكلي خدي طبق سلطه مش لازم كبير طبق من بتوع الشربه كده
كليه وانتي واقفه حتى من قبل متحطي الفطار
لانك لمه تحطي الفطار الاكل هيغريكي وهتلاقي نفسك ركنتي السلطه
كلتي السلطه الحمد لله
خلاص بقه كلي عادي
هتلاقي نفسك مش قادره اصلا تاكلي وهتاكلي بسيط جدا وكده نبقى ملينا بطننا بالسلطه والاعرفو ان السلطه سعراتها الحراريه قليله اوي
الغدى بقه برضو هناكل طبق سلطه حلو كده وبعدين ناكل الغدى حتى لو محشي او مكرونه بالبشمل ولله مش هتقدري تاكلي اصلا كتيرمنها
حتى لو هتطلب دلفري برضو لازم تاكلي السلطه الاول
احنا طبعا مع الوقت هنبطل حجات كتير يعني من نفسنا هنخلي الطبيخ بالسمنه قليل ونطبخ بزيت
اكل بره برضو نقللو
كده يعني يعني نحاول ناكل صح بس وحده وحده ومن غير منحرم نفسنا لاننا بنحب الاكل
العشى بقه وده نصيحه مني ليكم يا جماعه ولله زباااااااااااااااادي اكتفيااااا بصو ده قنبله تحفه بيخلي البطن مسطره بمعنى الكلمه وفي منو الليت
طعمو عادي زبادي مش بتحبيه كليه وخلاص معلقتين وهتعدي
بس اهم حاجه اننا هنستغنى عن العشى نهائي ما عدى الزبادي
الزبادي وبس
طيب عايزين ناكل شيكولاته ومالو بس يكون الصبححححححححححححححححححححح بس بعد الساعه 5 لاء
وطبعا برضو حاجه بسيطه مش كيلو
عايزه تشربي حاجه ساقعه
ومالو بس الصبح بس بعد 5 لااااااااااااااااااااااااااااااااااااااااااااااااا ااااااااااااااااااااااا
وطبعا اخنا عارفين ان الحجات دي اصلا بتطخن فانا لو قطعناها مره وحده هنتعب وهنرجعلها تاني اخنا ااول اسبوع هناخدها يوم اه وويوم لاء
وتاني اسلوع هنقلل وكده لغايه منبطلها
الشاي بقه والسكر والمشوبات دي
طبعا برضو بليل لاء
وفي سكر اسمو سويتال
انا بستعملو حلو اوي مش هتسي باي اختلاف خالص
ومفهوش سعرات حراريه زي السكر العادي
لازم نشرب ميه كل يوم على الاقل 2 لتر
هاتي ازازه لتر وخليها جمبك طول اليوم
حطيها على طربيظه الانتريه وافضلي قربعي بقه طول اليوم تخلص امليها ومالو
الحركه انا مغتربه اصلا ومعايا طقل يعني لا اقدر انزل ولا اروح جم
انا بقالي يومين باعمل التمارين دي وشايفه انها حلوه وكانك مشيتي نص ساعه وده المطلوب
اذا لم يعمل المقطع فاضغطي هنا
لاننا اصلا خلينا صريحين كده عندنا اشغال كتير ومسؤليات هتيجي يوم وتخلينا منروحش الجم او مننزلش نتمشى للاسف الست المصريه اصلا غير مرفهه ومش مسموحلها اصلا بالترفيه يعني
تمام
مع الوقت هنتعود ان الاكل التقيل بيتعبنا وهنلاقينا بنبعد عنو
الرمرمه وما ادراكي ما الرمره هيا دي المصيبه بتاعتنا
اول احنا هناخد قرار نشغل نفسنا شويه عن الاكل باي حاجه بقه تلفزيون نلعب مع العيال نقرى قران اي حاجه
طيب معرفناش ولازم ناكل
ممكن ناكل فاكهه بس بكميه قليله يعني مش سباطه موز او سبت مانجا
خليكي صريحه مع نفسك
عارفين انا قريت اننا ممكن ناكل فشار لمه نجوع كمان
بجيب كبشه ذره ونحطها في حله تيفال من غير زيت والفشار هيطرق وناكل
بصو الرمرمه احنا مع الوقت هنلاقي بدايل قليله في السعرات الحراريه
ايه رايكم يا جماعه مين هيبدا معايا باذن الله من بكره
الهيبدا معايا باذن الله يكتب بياناتو
الاسم: مروه
الزون: 85 الطول 158
الهدف الاول: 75
الهدف التاني :65 طبها انا اصلا طولي 158 بس انا على وزن 65 ببقى ممتازه وجسمي بيبقى متناسق جدا
كل يوم هندخل نكتب التقرير بتاعنا علشان نشجع بعض وباذن الله ربنا هيقدرنا ونخس
ونتعاهد بقه كده ان كل واحده فينا تدعي للجروب كله في الصلاه ولو مره واحده في اليوم ان ربنا يقدرنا ونخس ونبقى راضيين عن نفسنا يارب
افروديت هانم افروديت هانم فتكات هايلة Fatakat 634860 الغربيه – مصر