مين فينا مابيفكرش فى الجسم الرشيق المرسوم مين فينا محلمش جسمه يبقى زى كده
مين فينا ماتعرضش لموقف حسسه انه محرج بسبب وزنه سواء حس دا بنفسه او حد سخيف استظرف وحسسه بيه حاسه انك تستاهلى تقدير من الناس حوليكى اكتر حاسه انك محتاجه اعادت تقييم لذاتك
بتكسفى من نفسك
روحتى تعملى شوبينج مره ف محل شيك ولاقيتى حد بيبصلك بتهكم وقالك لا يا فندم مافيش حاجه مقاسك او بنت سخيفه عوجت شفايفها ايماءا انك اوفر اوى انك تفكرى تمسكى القطعه دى
ولا حدش قلك وانت بنت 20 سنه مثلا لا يا فندم دا بناتى امال انت ايه
رجعتى كام مره معيطه من مشوار زى دا
كام مره قررتى بكره هبتدى وبكره ده مابيجيش
تعبتى من الوقوف امام المرايا !!!
نفسك تبقى كده
قياس جسمك من الطلوع على الميزان كل 5 دقايق زى تمام
نفسك تطلعى لسانك للكام كيلو اللى قرفينك
اللى خسو وحققو هدفهم مش افضل منك
انت مش ناقصه عنهم حاجه
تعالى نستفيد من تجارب الناس الناجحه دى ونحقق حلمنا بس ف صوره مسابقه لطيفه حماسيه
تعالى معانا هنا يمكن!!!نقدر نعمل شىء
فكرت اعمل جروب يكون من اصدقائى وحبايبى الفتوكات
نبدا بسم الله
هنعمل فريقين
فريق احمر 
و فريق ازرق
كل فريق مكون من 10 أفرد من الجادات لان اللى مش هيلتزم هيتعرض للطرد و مش مسموح بالخبطه عن الرجيم اللى كل واحد متبعاه
لو اسبوعين ورا بعض لم ينزل وزنك هتكونى معرضه للطرد
مش مسموح بالدمار وشعور الضياع والاحباط اللى احنا بنحط نفسنا بايدنا فيه
ولوحصل اتحملى العواقب والعقوبات
المنافسه هتكون لذيذه طحن كفايه نكون مع بعض
المسايقه هيبقى دمها حامى وكل فريق هيحاول يرفع فريقه حتى لو غلس بلذاذه طبعا على الفريق التانى ودا حصل ودمكم عسل والله
لازم الكل هنا يكون عارف ان دى مسابقه وقتها محدد 3 شهور لونجحت هنعملها تانى بعون الله
عايزين
الفريق الاحمر يكتب بالاحمر و دا اساسى
الفريق الازرق يكتب بالازرق ودا اساسى
وكل واحد لازم يحط شعار فريقه الفريق الاخضر الاحتياطىدول يعتبرو كاختبار للجديه اى مشترك جديد يقعد فيه فتره نشوف حضوره التزامه نظامو ونطلعو اساسى لما يثبت حضور مميزونظام محترم
الاولويه للوزن الكبير والتقييل والللى عنده امكانيه تصوير الميزان يحطه
اللى يقدر يصور اكله ويحطه بيدى شكل وروح للموضوع
كل واحد يتبع الدايت اللى حابه هو حر بس فى نظام لازم فى بدايه الاسبوع هتحط الرجيم اللى ماشيين عليه لاسبوع كامل الا لو اتفقتو فيما بينكم على التوحيد
الا اللى هياخد شعار الضعيفه لازم نتفق سوا على نظام يلزمه غذائى ورياضى
واخر الشهر الكل هيحط تجميعه لرجيماته وخسر كام كيلو على كل واحد ف رد واحد لازم
فى حصانه لصاحب اكبر خساره ف الوزن صاحبها اكيد مش هيطرد حتى لو لخبط وهيكون صاحب كلمه مسموعه
المهم نفسى تكون مسابقه جاده ولذيذه
الرياضه شىء ضرورى لمصلحه فريقك مع انى اكسل الناس لكن يلا نشوف التحدى بجد
وكل اسبوع اللى هتفوز هتاخد حصانه + لقب اميره الرشاقه
و
هيتحط اسمها بالقب ف توقيعنا جميعا
تكريما لها والرابحه الكبرى
سوف توتوج بتاج الرابح الاكبر وسيرتها هتبقى على كل لسان ههه بالخير طبعا
الشروط هى:
ü الالتزام التام وعدم التخبيص ههه
ü التقيد بالفريق والكتابه بلون فريقها واليونه فى حال احتاحت الامور لتبديل الاماكن
ü سيتم طرد البنت اللى هتلخبط
على مدى الاسبوعاكتر من مرهوادخالها الزنزانه ف قسم بهدلنى شكرا
وللرابحه اسبوعيا الحريه فى استمرارها من عدمه
حتى لو انا 
جدا او متغيبه بشكل شبه دائم بدون اعذار
ü الامانه ف كتابه اليوميات وتبقى محدده و باختصار مع الكميات ومع روح الدعابه والتحدى اليوميات من اسمها يوميا
ü الاولويه لاصحاب الوزن الاثقل بمعنى هتكتبو اوزانكوم ولو فيه عدد كبير الاولويه للوزن الاكبر والى حصل حصل
ü الالتزام بوضع الرجيمي المتبع يوميا وكاملا اسبوعيا والاربعه انظمه شهريا وكل نظام خسيت عليه قد ايه قبل يوم 1من كل شهر ودى مسئوليه القائدات
اللى مش هيوزن كل يوم خميس اسبوعيا ويحط الوزن ويبعته مع كامل يومياتومش هيبقى فى المنافسه خلاص النتيجه لما هتتحط مش هتتغير مافيش حجج ظبطوها مع نفسكو يبرر موقفه وبسرعه وهيكون معرض للانزار
اعلان النتايج والنسب يوم الخميس بليل
ü اللى هتغيب اكتر من 3 ايام فى الاسبوع او مش هيحترم اى قانون او هايجادل كتيير هيتشطب اسمها مافيش حجج طبعا بعد المداوله وهيتم اعلان عن مشتركات جدد0000 الا لو فيه فعلا مشكله منعت خالص الوصول باباكى او جوزك ادوكى علقه وقطعو النت كسررولك الكمبيوتر كده ياعنى
ü طلب الالتحاق بالمسابقه هيكون مستوفى الاتى
وضع شعر فريقك فى توقيعك هام جدا
الاسم الطول
الوزن الحالى الوزن المرغوب فيه
لون الفريق اللى حابه تنضميله
كتابه موافقه على كل الشروط
يلا بسم الله نبتدى
الطول:165
الوزن وقت الجروب 70.5 كيلو وهوزن عند بدايه المسابقه قبل البدايه
الوزن المرغوب فيه:60 كيلو
كتابه موافقه على كل الشروط
واللى مش هيلتزم بالقوانين هيروح قسم بهدلنى شكرا مع عشماوى
الوزن يوم الخميس والتقيم الجمعه
بالتوفيق يابنات
هنزل الريجيمات للى عاوز يتبعها النهارده واللى ماشيه على نظام مريحها اوك
الرياضه ثم الرياضه ثم الرياضه
دى الشعارات
ده شعار ملكه الموسم
اكتر واحده نزلت ف الوزن
وده شعار ملكه الاكل وعدم الالتزام الاسبوعى
الميه مش اقل من لتر ونص يوميا يعنى اقلها 8 اكواب
الرياضه
مش اقل من ساعه حسب مانتى تحبى مشى جرى ايروبكس براحتك
+
100 نطه بدون حبل
دول لازم يومياتك تتستوفيهم
يلا نبتدى بسم الله
soly&sama soly&sama 259609_2.gif فتكات نشيطة Fatakat 259609 بيت بابا لحد دلوقتى وعن قريب بيت زوجى حبيبى – قلب حبيبى