السلام عليكم و رحمة الله و بركاته
عملين ايه يا فتوكات
انا هخش فى الموضوع على طول
و طبعا واضح من عنوان الموضوع انى جبت اخرى من ارادتى الصفر
و عملت مليون ريجيم و حتى فتحت كذا موضوع و بقفله طبعا ليه ؟؟؟؟
عشان ولا انا ولا الجروب بنكمل
و ده سببه قلت ارادتنا و همتنا
و بجد زهقت باين عليه التخن اووووووووى و بطنى كبرت اووى حتى جوزى علق قبل ما ينام
و قلى " ايه ده بطنك بقت كبيرة اووووووى "
و عايزة ابدا بجد
و لازم ازود ارادتى
كتير صحباتى خسوا فى شهر شهر و نص و انا عدا عليه كاااااااااااااااااااااااااااااام شهر و انا نفسى اخس ولا بخس و لا حاجة
قررت ان شاء الله ابدا بكرة و عايزة جروب بجد يشجعنى و نتابع مع بعد و نوزن كل اسبوع و نشجع بعض
كل وحدة تمشى على ريجيمها
و هقول ريجيمى ولى عايزة تمشى عليه يالا نبدا
الريجيم
الفطار : ربع رغيف بلدى او رغيف سن + 100 ج جبنة ملح خفيف او قريس او 2 بيضة مسلوقة او 4 ملاعق فول بدون زيت + خيارة + كوب شاى او نسكافية بنص كوب حليب
الغدا : طبق خضار نى فى نى + طبق سلطة + اى نوع بروتين مسلوق او مشوى
ده كده يوم واليوم اللى بعده ازود 4 ملاعق ارز او مكرونة او ربع رغيف
بمعنى يوم فى غدا بشويات و يوم لا
العشاء : زبادى + ثمرة فاكهة + ملعقة ردة + خيارة
السناك : مشروبات سخنة و ثمرة فاكهة او خيار و خس
الرياضة يا بنات بجد كانت بتفرق معايه اوووووووووووووووووووووووووووووى
عايزين نشجع بعض نص ساعة يوميا حتى لو نتفق على معاد محدد فتشجع اننا كلنا بلعب مع بعض
ها حد هيشجعنى ولا ايه
يالا كل اللى هتشجعنى و نبدا من بكرة ان شاء الله تكتب بيانتها
الاسم: توتى
السن : 30
الطول : 162
الوزن :76
الهدف 1: 70
الهدف 2 : 66
الهدف الاخير : 63 يا رب
فانتظار اشتركوا معايه و نشجع بعض
توتى تتمنى حب ربها توتى تتمنى حب ربها 662526_1.gif فتكات هايلة Fatakat 662526 القاهرة – مصر