تخطى إلى المحتوى

جروب العين الحمرا الجزء 3 تحدى الفراشات والمزز الاشتراك مغلق 2024.


جروب العين الحمرا الجزء 3 تحدى الفراشات والمزز الاشتراك مغلق

اسبوع جديد وسنه جديده وبدايه جديده باذن الله
انا امنيتى فى خلال شهرين اوصل للمثالى يارب باذن الله

عاوزه ناس ملتزمه جدا جدا جدا ومعندهاش ياما ارحمينى

فيه كل يوم اكل ورياضه ولو مفيش التزام فيه عقاب

الالتزام بالرجيم تماما وكتابه اليوميات كل حاجه دخلت معدتك حتى كام كوبايه مايه وممنوع اللخبطه نهائيا

المشى ساعه فى البيت فى الغيط فى المكان فى الحمام لفى تراك الصاله بتاعتك المهم تمشى كل يوم ساعه
الميزان كل اسبوع ممنوع الميزان قبل الاسبوع منعا للاحباط والميزان الجى يوم الجمعه بعد القادم
اللى مش هتقدر تكتب يومياتها فى اى يوم تعتذر قبلها او بعدها علشان منفتكرهاش انسحبت
فى خلال الاسبوع اللى مش هتلتزم بالمتابعه واليوميات والميزان هنعتبرها منسحبه من الجروب من غير زعل الا لو فى ظروف تقولهالى على الخاص
وخلوا ده شعاركم فى الدايت
جروب العين الحمرا الجزء 3 تحدى الفراشات والمزز الاشتراك مغلق
يللا يا بنات شدوا حيلكم الميزان يوم الجمعه عاوزين نفرح ونعمل حفله

يا بنات على فكره كل اللى فات حماده وكل اللى جى حماده تانى خالص

انا كانت الشقه مبهدله وحياتى متلخبطه لانى اول مره انزل جيم ونومى مش مظبوط

لكن من انهارده مفيش حكومه انا الحكومه

وبجد فوقتلكم

* التقرير ان شاء الله الساعه 7 هيبقى هنا بمعنى ان اللى هتكتب تقريرها بعد 7 مش هتشوف اى رد منى

*الرياضه ثم الرياضه وبجد

* البنات اللى بتتدلع وتعك خلاص اخركم امبارح من انهارده فى كلام تانى اللى هتعك اكتر من مره فى الاسبوع هعتبرها بتستهتر بالدايت وهيبقى ليها 3 انذارات وبعد كده هعتبرها منسحبه

# الميزان باذن الله يوم الجمعه الصبح واللى مش هتقدر توزن تقولى ليه وهتوزن امتى

الصيغه اللى هتتكتب

الاسم :

الطول :

الوزن قبل الاشتراك :

الوزن الحالى :

عدد ساعات الرياضه الاسبوع ده :

ودلوقتى فى فريق احلى فراشه وفريق الموزز بقياده كابتن امانى وروجا عاوزين نطحن بعض بقى
وكل فريق يتجمع ويتكلم ويساعدوا بعض

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.