السلام عليكم
النهاردة بعد ما خلصنا اكل المحشى
جوزى لقيته بيقولى
احنا عايزين محشى كتييييير
قلتله:مانا مجوزاك وانت بتكره المحشى
رااااح ساكت ومعلقش
وانا طبعا فاهماه انه مش عايز يفرحنى
ويقولى ان المحشى بتاعى ملوش زىى
طيب
فكرت انه من الممكن انى اخد ثواب فى بنات كتير
واعرفهم تكاتى ف المحشى
اول حاجة لازم البصل اللى انتى حاطه يتسبك يحمر جامد جامد جامد لغاية ميبقى بنى محمر كده (بس ع نار هادية) مش تعلى النار عليه وتقولى يتحمر لالالالالالالالا ده هيتحرق تانى حاجة اياكى اياكى اياكى تحطى البهارات تتسبك مع الطماطم بتمرر وبتغير الطعم خالص..تحطيها مع الرز بعد ماالطماطم تتسبك..يعنى نشفت مايتها..الرز يتحط مع الخضرة مع بهارتك اللى بتحبيها ويتقلبو اكتر من 5ال10 دقايق عالنار الهادية (((ودى اهم نقطة بتغير طعم الخلطة خالص))) طيب نيجى للتسوية..احيانا نتعب اووووى فالخلطة وف الاخرالمحشى يطلع مهرى والارز يخرج بره..السر هنا ف التسوية لسرين:ان الارز بتاع المحشى اياكى اياكى تغسليه..وطبعا لماتحمريه شويه بيخلى الرزة الواحدة بواحدتها فعمره بالطريقة مايتهرى ابدا ان شاءالله
وأخيراا..بنعلى النار جامد الا ان تقل الشوربة للنص..وبعد كده بنهدى الى ان يستوى الارز ونطفى
وياريت نستنى 5 دقايق كده لما بهدى وبعدكده نقدمه
وبالف هناوشفا
((دعوة حلوة ربنا يفك كربنا جميعا ان شاءالله))
عشان فى ناس كتير سئلت
عن
الارز اللى مش مغسول ازاى؟؟
انا مقصدش خالص رز التموين
او الرز درجة تانية
اقصد الرز الاكياس اللى بيكون مغسول ومتنقى
اصلا وواخد طبقة زيت
بنلاقيه زى البنور والله
زى الشروق والضحى وحبةوحبة
ده لما بنغسله حتى بنلاقيه اتهرى
لوحده
اما رز التموين ده مينفعش للمحشى خالص
مواضيع هذا القسم برعاية
طبيبهاربها طبيبهاربها 213224_7.gif فتكات رائعة Fatakat 213224 القاهرة – القاهرة