السلام عليكم
ازيكوا يا فتوكات
انا حصل معايا حاجه فقلت احكيلكوا التفاصيل ممكن ربنا يجعلنى سبب ان حد يلحق نفسه
انا الحمدلله كنت حامل بس ربنا مش اراد انه يكمل
كنت ف الاسبوع العاشر فى اوله يعنى نص الشهر التالت
عاوزه احكيلكوا تفاصيل البدايه
اول حاجه لاقيتها افراز بيج غامق كده.. استغربت بس مش حطيت ف بالى
تانى يوم بقي اقرب للون البنى (ف نص اليوم كده)
على بليل بقى لونه بنى وانا كل ده مش فاهمه..وضهرى كان واجعنى اوى
تالت يوم البنى بقى غاااامق اوى فقلت ابص ع النت اما قريت كده اتخضيت وكله بيقول لازم تتصلى بالدكتوره بسرعه
كلمتها قالتلى ده انذار بالاجهاض قالتلى ارتاح وقالتلى على ادويه تثبيت جبتها
على نص اليوم كده لقيت نقط دم بسيطه كلمت الدكتوره تانى قالتلى على حقن اخد منها جرعتين مع بعض وانام على ضهرى ولبوس وباقي الدوا بتاع الصبح
تالت يوم رحتلها اعمل سونار..المفروض النبض يظهر من الاسبوع السادس او بالكتير السابع..انا ماظهرش نبض بس هى قالتلى هنعيد السونار الاسبوع اللى بعده ومقلقش وكده
من اول ما روحت لحد الصبح وانا بطنى وجعاانى اوى.. وبعدين على العصر لقيت الدم بدأ يزيد ومعاه قطع ودقايق كمان والنزززززززيف بدأ بكل قوته
ومغص جبااااااار والباقي معروف
انا حبيت احكى التفاصيل الممله عشان لو لاقدر الله حد حصل معاه كده تقدرى تتصرفي بسرعه من اول علامه تظهر وتلحقي الجنين لو ربنا رايد طبعا وخليكى على تواصل مع الدكتوره بتاعتك دايما وخلى بالك من المجهود اللى بتعمليه ف الشهور ال3 الاولى
بس كده
ادعولى
ف ت و ك ه ف ت و ك ه فتكات رائعة Fatakat 391544 برضه كايرو – القاااااااهره