انا اخر دوره ليا 1/1/2015 وعامله 3 قيصرات وديه الرابعه ومن اول الحمل السونار بيطلعنى زياده عن معادى من 3:4 اسابيع زياده بس فى الاخر بقى يطلعنى زياده 4 اسابيع ورحت لاكتر من دكتور باجهزه سونار مختلفه وبيطلعنى زياده 3 او 4 اسابيع زياده وقالولى لان وزن البيبى كبير واخر مره الدكتوره كشفت نسا عليا لانى كنت تعبانه قالتلى الرحم مفتوح اقل من نص سم بس لين جدا ومن تعبى نسيت اسالها يعنى ايه لين
وامبارح حسيت بحركه البيبى زياده اوى لدرجه مؤلمه ووجع جامد فى ظهرى ومغص صحيت جوزى وماما الساعه 2 بليل ورحت المستشفى الفجر وانا بصوت من الوجع بس كان دكتور الطوارق وكنت اول مره ادخله عمل سونار قالى انتى على حساب الدوره انتى كده 34-35 اسبوع بس السونار مطلعك 38 اسبوع لان مقسات البيبى كبيره ووزنه كبير جدا عن الطبيعى لان وزنه 3250 جرام والمفروض فى الاسبوع 34او 35 يكون من 1800 جرام حتى 2250 وقالى اللى فيه ده بدايه طلق وانقبضات الرحم دى عشان وزنه كبير ومع جرح القيصريه فبيكون مؤلم خصوصا ان البيبى نازل فى الحوض وادانى ابره مسكن وقارن بين السونار اللى عملاه فى اخر 3 اسابيع وبين وزن البيبى لقى ان البيبى بيزيد بمعدل من 450 الى 500 جرام فى الاسبوع
وقالى على حساب الدوره انتى معاد ولادتك كمان 3 اسابيع وطلب منى تحليل سكر صايم وفاطر مع انتى عملاه من 3 شهور مكنش عندى سكر وطلب بول كامل ودم كامل وسرعه تجلط وهموجلبين وكتبلى بترو مسكن كل 8 ساعات وقال المشيمه نازله تحت قرب الجنب الشمال
بس انا خايفه لان الوجع لسه مستمر معايا وكمان حكايه وزن البيبى لو بيزيد 500 جرام كل اسبوع يعنى حولده قرب 5 كيلو انا اولادى كلهم مولدين 2900 جرام وكنت قربت اقفل التاسع فيهم
وايه عنق الرحم لين ده والمغص ده ايه
والمشيمه اللى نازله ديه
ياريت تساعدونى وتطمنونى بالله عليكم
وربنا ييسر ليا وليكم
shahd_yassen55 shahd_yassen55 555198_2.gif سوبر فتكات Fatakat 555198 الاسكندريه – مصر
سبحان الله و بحمده