صباح الخير يافتوكات
انا النهردة هقولكم سر الشاورمة بتاعة بره علشان تطلع زيها بالظبط
بصي يافتوكة انتي وهي
اولا تقيمي باايدك الحلوة ديه علشان الموضوع يتثبت
اولا السر الرررررررهيب في الشاورمة اللي هيخليها زي بتاعة بره بالظط هو البهارات
طيب عباره عن ايه البهارات ديه يابت ياروني هقولك ياستي بس بعد ماتقيمي الاول
خلاص هقول بس متزقيش
بصي ياستي انتي هتروحي اي سوبر ماركت وخدي بالك كويس سوبر ماركت مش عطار
هتقوليه انا عايزة بهارات شاورمة هتلاقيها بتتباع كيس جوه علبه كده مرسوم عليها من بره شاومة
طيب ليه مش هنجيب خلطة الشاورمة ديه من العطار السايبه ديه وهنجيبها من السوبر ماركت المعلبه
الاجابه ببساطة علشان بهارات الشارورمة اللي عند العطار هتغمقلك اللحمة وهتديلها طعم لازع ومش هتدي نفس طعم شاورمة بره
انما بهارات الشاورمة المعلبه اللي في السوبر ماركت فيها مكونات البهارات بتاعة الشاورمة + ريحة الشاورمة بتاعة بره
تعالي بقى ندخل على المكونات ثم الطريقه بدل الرغي ده
المكونات ياستي
1_ بصل ( 2 حبة بصله كبار ) مقطعين جوانح
2_ نص كيلو صدور فراخ مقطعه شاورمة
او
لحمة شاورمة من عند الجزار
3_ حزمة بقدونس مفروم
4_طماطم مقطعه مكعبات ( 2 حبة طماطم كبار )
5_توم مفروم ( 10 فصوص كبار )
6_ خل ( 3 ملاعق )
الطريقه بقى
اولا هنجيب الشاورمة المقطعه سواء لحمة او فراخ وهتحطي عليها معلقة اكل كبيرة من البهارات اللي جيبناها من السوبر ماركت وتحطي عليهم مقدار الخل وتغطيها في التلاجة في التتبيله ديه اد اربع ساعات كده
بعد كده ياستي خلصم الاربع ساعات هنطلع الشاورمة المتبله من التلاجة
ونبتدي الشغل بقى
هنجيب طاسه كبيرة ونحط فيها معلقتين سمنه وياسلام بقى لو عندك حتة ليه صغننة اد البليه تسيحيها مع السمنة هتبقى واو
المهم ياستي هتسيحي السمنه وتجيبيبي لحم الشاورمة وتشوحيه في السمنه لحد ما لونه يتغير واللحنة تمسكيها تلاقيها قربت تطرا اول ماتقرب اللحمة تطرا هتحطي البصل اللي انتي مقطعاه جوانح والتوم المفروم وتقلبي كويس لحد ما البصله تطري معاكي
بعد ما البصلة تطري واللحمة تحسيها استوت هتضيفي الطماطم اللي مقطعاها مكعبات والبقدونس المفرومة وتقلبي 3 دقايق بالظبط احنا عايزين الطماطم المكعبات صحيحة مش معصورة علشان تبقى زي بتاعة بره
فهتقلبي لمدة 3 دقايق او اقل كمان بحيث البقدونس يفضل اخضر زي ماهو ولونه ميتغيرش وتحسي ان الطماطم والبقدونس درجة حراراتهم نفس درجة حرارة باقي المكونات
بعد كده تطفي النار
وتكوني محضرة بقى الفينو او الكايزر وتغرفي بالملعقه في السندوتشات وتحطي عليهم طحينة انتي عاملاها في البيت طبعا وكلنا عارفين طريقتها ميه دافيه وشطة وملح وكمون ورشة ليمون ومعلقتين خل بقى عندك احلى طحينه
وتقدم بالهناء والشفاء
انتظروني المرة القادمه الشرح بالصور ده وعد بس قيمولي بقى
وادعولي ربنا يتمملي بخير انا وخطيبي ويبعد عننا الشيطلن ويطول في عمر بابا ويخليهولي يارب وميحرمنيبش منه ابدا مواضيع هذا القسم برعاية
roona roony roona roony 575049_2.gif فتكات رائعة Fatakat 575049 القاهرة – مصر