السلام عليكم ورحمت الله وبركاته
انا كنت دلوقت في قسم الاستشارات في موضوع عن الفطير الفلاحي ولاقيت ست بره مصر معندهاش سمن بلدي
اولا جمعي قشطه كتير من اللبن لحد مايملي حله صغيره وطبعا القشطه دي بتتشال في الفريزر علشان ماتبوزش
بعدين طلعي القشطه تفك خالص من ثلجها وخليها في مصفى تحتيها طبق لحد القشطه ما تنفصل تماما عن اللبن والماء
لازم القشطه تكون ناشفه خالص علشان السمنه تنجح
بعدين حطيها في حله على النار الهاديه خالص وضيفي شويه ملح وسيبيها هتلاقي القشطه فصلت نصين لما تغلي هتلاقي السمنه فوق والمرته ركزت في قعر الحله كل شويه صفي السمن اللي طلع على الوش وشيليه على جنب واول مايبتدي يبرد علبيه في برطمانات
المرته كل ما تغليها كل ما تطلع سمن لحد ما لونها يغمق خالص ويبدي يبقى لون الكراميل وقفي العمليه كده خلاص علشان المرته متتحرقش
وبعدين مش هيفضل حاجه في الحله غير المرته اللي في الاعر دي بقى حكايه لوحدها اوعي ترميها دي كمان حطيها في حله ثلاجه وشيليها وانت بتعملي البيض او الفول حطي منها معلقه وادعيلي
او اعمليها سندوتشات لعيالك جميله جدا
يارب اكون قدمت حاجه مفيده
مواضيع هذا القسم برعاية
%فتكات سابقه% %فتكات سابقه% فتكات هايلة Fatakat 381505 اسيوط – مصر