السلام عليكم ورحمه الله وبركاته
ازيكم يا فتوكات يا عسولات وحشتونى جدا انا بقالى كتير ما نزلتش حاجه بس انهارده عمللكم اكله هايله ملهااااااااش حل
(فخده ضانى)
ممكن تعمليها فى العزومات بتبقى جميله وشيك جدا
يالى نبدأ بسم الله
اولا المقادير:
ملح
فلفل
كارى
زعتر
خل تفاح
كوبيتين زبادى
8فصوص ثوم
ماء بصل
بصل اورما (اوبصل عادى )
جزر
بطاطس
ثانيا الطريقه :
– هتجيبى الفخده كامله زى كده
– هتفتحى فيها فتحات بالسكينه وتحطى فيها فصوص الثوم سليمه فى وش الفخده اربع فصوص وفى ظهرها اربع فصوص فى اماكن مختلفه زى كده
– هتمسحى الفخده وش وظهر بالملح والفلفل ومايه البصل وبعدين هتحطى نص كوبايه خل التفاح على الزبادى وعليهم معلقه كارى وتقلبيه كويس وتدهنى بيه الفخده وش وظهر زى كده
– بعدين هتغطى الفخده كويس وتحطيها فى الثلاجه لتانى يوم
– هتجيبى الخضار وتقطعيه بس يكون كبير شويه علشان يستحمل التسويه وتحطى عليه ملح وفلفل وزعتر زى كده
– هتحطى الخضار فى الصنيه وفوقيه الفخده زى كده
– وتغطى الصنيه بالفويل كويس جدا وتدخليها الفرن بتاخد اربع ساعات لو فخده متوسطه لو كبيره هتاخد ست ساعات
بعد ماتستوى هشيل الفويل وشغل الشوايه علشان وشها يتحمر وتبقى كده
دى بقى تنفع فى العزومات بتبقى تحفه ممكن تعملى معاها أرز بالمكسرات زى ده
لو الوصفه عجبتكم ادعولى دعوه حلوه زيكم كده
فى امان الله
مواضيع هذا القسم برعاية
ام ريناد 25 ام ريناد 25 590631_1.gif فتكات متميزة Fatakat 590631 القاهره – مصر