تعالو شوف الاكلة دي اتحدي ان يكون حد عارفها وبالصور المملة كمان 2024.بواسطة zaimba zaimba26 يونيو، 2023 بسم الله الرحمن الرحيمانا كنت عملت موضوع عن كباب الحلة الصوابع وقولت علي طريقته بس مكنتش مصوراه لان مكنش معايا تليفون بيصور بس جوزي بقي جبلي واحد غالي قوي في عيد ميلادي تاني يوم العيد ربنا يخلهولي يارب والله جابو عشان خاطركو حب اصور الاكلات وانزلهالكو لانه بيموت في طبخي الحمدلله ننزل في الموضوع علطول بلاش رغي انا هحلي الصور تتكلم لاني مصورة خطوة خطوة بس هقول المقاديرهتجيبي اللحمة المفرومة علي حسب اعداد اسرتك انا بعمل انا وجوزي بس نصف كيلو لحمة مفرومة بس النهاردة كترت عشان قولته يجيب واحد زميله من الشغل مراته مسافرة حرام قولت يعزمه هو هندي علي فكرة الرز يبقي ضعف اللحمة بس مش اكتر من الضعف يعني اللحمة نصف كيلو يبقي الرز كيلو مثلا يعني ولو اللحمة كيلو يبقي الرز 2كيلو او اقل لو عايزة تبقي اللحمة ظاهرة في الشكل والطعم واهم حاجة في الرز يبقي مغسول كويس ومتصفي بالمصفاة وناشف خالص قبل ما احطه بالخلطة حزمة شبت كبيرة مفرومة زي المحشي ناعم بصلتين متوسطين مفرومين ناعم وفصين ثوم مدقوقين وحطيهم مع البصل عشان ياخدو من ريحة بعض بيضتين بطاطس متقطعة دواير وحطيها في قعر الحلةمرصوصة كدة عشان تحمي الكباب من تحت بدل ما يلزق اخر دور خسارة طبعا المرقة انا بعمل جمبه لحمة عادي بشوحها بالبصل واثوم والبهارات واسيبها تشوح شوية وبعدين بحط المية المغلية عليها واسيبها تستوي علي نار هادئة نيجي بقي للطريقة ادي اللحمة وهي بتشوح مع البصل والثوم والبهارات https://files2.fatakat.com/2016/9/13468508508111.jpg وادي لما حطيت عليها المية المغلية وبعدين غطيها وسيبها علي نار هادية خالص https://files2.fatakat.com/2016/9/13468509475006.jpg نيجي بقي للمقادير البصل والثوم والشبت واللحمة https://files2.fatakat.com/2016/9/13468510394971.jpg وادي الرز المغسول والمتصفي خالص مافيهوش نقطة مية https://files2.fatakat.com/2016/9/13468511328684.jpg وادي البطاطس الدواير في الحلة https://files2.fatakat.com/2016/9/13468511938478.jpg وادي لما حطينا الحاجات كلها مع بعض الرز واللحمة والشبت والبصل والتوم والبيضين والملح والفلفل الاسود والكمون والشطة المجروشة عشان تدي شوية حرارة https://files2.fatakat.com/2016/9/13468513468935.jpg وادي وانا بخلطهم بأيدي بعد ماغسلتها طبعا https://files2.fatakat.com/2016/9/13468514371565.jpg وادي وانا بصبعها https://files2.fatakat.com/2016/9/13468515067920.jpg ودة بيكون شكل الصباع https://files2.fatakat.com/2016/9/13468515844581.jpg وده شكل الرصة عادي خالص https://files2.fatakat.com/2016/9/13468516859890.jpg https://files2.fatakat.com/2016/9/13468517494072.jpg ودة بقي وانا جاية اسقيه بحط طبق علي الوش عشان الشوربة متفتحهوش https://files2.fatakat.com/2016/9/13468518536112.jpg ودة بعد ماسقيته وشيلت الطبق https://files2.fatakat.com/2016/9/13468519135892.jpg ونسيبة بقي علي نار عالية لحد مايتشرب الميه متخافيش خالص مش هيفك منك وتفضلي تدوري الحلة كل شوية عشان يستوي من كل الجهات وبعد كدة خلي النار شمعة هادية لاقصي درجة هتلاقي حباية الرز استوت ونفشت هتعرفي انه بقي مية مية وطري وجميل اسيبكو بقي مع الصور انا حطيتلي طبق كدة اتسلي فيه لغاية ماجوزي وصاحبو يجو من الشغل لاني منتقبة ومبكلش معاهم وقولت اوريكو بقي طبق صغير كدة انا عملت معاة شوربة لسان عصفور وسلطة وحمرت اللحمة بالزبدة والكمون وكان عندي سمبوسة مجمدة قليتها ومعاها بطاطس محمرة وملوخية خضراء اسيبكو بقي مع الصور https://files2.fatakat.com/2016/9/13468523241193.jpg https://files2.fatakat.com/2016/9/13468523766631.jpg جربوه ومش هتندمو هتدمنوه بجد جميل ورهيب وبيشبع وجامد في العزومات كمان اية رأيكو بقي ياريت اشوف ردودكو بسرعة والتقيم بقي لانه بجد يستاهل ومع السلامة يااحلي فتوكات > مواضيع هذا القسم برعاية البيت السعيد7 البيت السعيد7 فتكات نشيطة Fatakat 706036 الشارقة – الامارات سبحان الله و بحمده الوسوم:الاكلةالحصرياتالصورالمملةفتكات اترك تعليقاً إلغاء الردلن يتم نشر عنوان بريدك الإلكتروني. الحقول الإلزامية مشار إليها بـ *الاسم * البريد الإلكتروني * الموقع الإلكتروني التعليق * Δ هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.
