السلام عليكم ورحمه الله وبركاته
الفتوكات حبايبي المنفوخين واللي وصلو لاخر مرحله في الحمل واللي بيسالو عن شنطه المستشفي كل شويه انا خلاص حضرت شنطتي وصورتلكو كل حاجه فيها ولو في حاجه ناقصه هقولكو عليها برضه عشان متنسوهاش وان شاء الله لو اخدتي اللي هقولك عليه مش هتكوني محتاجه لاي حاجه تانيه واللي انا مصورتهوش هجبلكو صور بديله ليه من علي النت يعني هزهقكو صور عارفاكو بتموتو في الصور
شنطه المستشفي بتتقسم لحاجتين :
اولا: الام
ثانيا : البيبي
نبدا بالام الي علطول ناسيه نفسها وكل تفكيرها في البيبي ماهو عشان نهتم بالبيبي من اولها لازم احنا كمان مننساش نفسنا ولا ايه
1- باذن الله يوم ولادتك لو قيصري ومحدده معادك مع الدكتور هتقومي بدري قبل معادك ب3 ساعات مثلا تروحي ع الحمام علطول وتاخدي معاكي ادوات النظافه الشخصيه زي
يووووووووة لا مش دي طبعا
اقصد دي
( ملح الحليب _ شفره جيليت النسائيه او اي نوع تحبيه_ زيت زيتون _ فوطه صغيره_ سويت_ قصافه _ شامبو _بلسم)
قبلها بيوم تروحي للكوافير تعملي وشك وشعرك واللي بتعرف تعمله في البيت يبقي تمام عشان لم تولدي كدا تبقي مزه وشعرك ميزهقكيش في التسريح لانك هتقعدي فتره متستحميش
نيجي بقي للحمام
زي الشطورة هتقصي ضوافرك عشان لم تولدي وتيجي ترضعي البيبي متعوريهوش
تبللي جسمك كله وتفركيه بملح الحليب وخصوصا المناطق الحساسه
تستخدمي السويت تحط الباط وعلي باقي الجسم ماعدا المنطقه الحساسه بنستخدم الشفره عشان بطننا بتبقي كبير صعب استخدام السويت واصلا غلط والرسول عليه الصلاه والسلام قالنا نتف الابط وحلق العانه ولم تخلصي تنشفي كويس جدا جدا وتدهني زيت زيتون
كدا انتي خلصتي حمامك وبقيتي فله شمعه منورة
وعامله شعرك عند الكوافير او اعمليه في البيت لو عندك الاستشوار ولفيه كحكه عشان ميضايقكيش في الحر
البسي غيار داخلي قطن
البسي جلبيه قطن وعليها العبايه السودا او الاسدال بتاعك او فستان الحمل او اي لبس تحبي تروحي بيه المستشفي واي حاجه في رجلك
خدي شنطتك في ايدك وتوكلي علي الله
اقري قران طول منتي في الطريق ويفضل تكرري سوره الزلزله 7 مرات ولو عندك وقت يبقي تقري سوره مريم وتدعي باللي انتي عاوزاه عشان ربنا ييسرلك ولادتك
2- بالنسبه للي بيولدو طبيعي انتي متعمليش اي حاجه وسيبي نفسك علي الاخر لانك متعرفيش انتي هتولدي امتي واول ماتبدا اعراض الولاده عندك سواء بدا بمغص وخبط في ضهرك ومع الوقت يزيد يبقي دا طلق او نزل عليكي ميه يبقي انتظري هيجيلك طلق او علامه الولاده اللي هيا افرازات مختلطه بدم تروحي ساعتها واخده ادواتك وعلي الحمام وابدئي المهمه مش هياخد منك وقت وعلي فكره خليكي تحت الدش الدافي اطول فتره ممكنه لانه بيساعد جدا علي تخفيف الطلق
دا جزء النضافه الشخصيه قبل الولاده اللي حابه تزود اي حاجه او متعوده تعمل اي حاجه تانيه مفيش مشكله بس دا اقل واسرع حاجه ممكن تعمليها وبيديكي نتيجه ممتازة
كدا انتي ظبطتي نفسك وجاهزة علي انك تروحي المستشفي
نتكلم بقي عن شنطه المستشفي هناخد فيها اييييييييييييييييه :
بالنسبه للام :
الشنطه
2 جلابيه قطن بصدر مفتوح عشان الرضاعه
براه الرضاعه (انا مجبتهاش مش ضروريه بس لو عايزة تجيبيها هيا مفيده في الرضاعه لو انتي بره البيت بس انا اصلا مبرضعش بره البيت بحط اللبن في ببرونه واخده معايا )
اندرات قطنيه خدي 4 او 5 عشان متتزنقيش لانك ممكن تتعرضي ان كلهم يتبهدلو في ساعه
وادي صورة كمان مش حارماكو من حاجه اختاري القطن الواسع وميكونش الاستك ضيق
عبايه خروج من المستشفي
شبشب عشان لم تولدي وتقومي تتمشي في المستشفي وممكن تروحي بيه مش لازم جزمه يعني
شاحن الموبايل
توك ومشط
يتتتتتتتتتتتتتتتتتتتتتتتتتتتتتتتتتتتتتتتتبع
سمسم_89 سمسم_89 ممنوعة من المشاركة Fatakat 887588 اسكندريه – مصر