السلام عليكم ورحمة الله وبركاتة
بسم الله نبدء
بصى ياقمر انتى وهى فى الاول كده عوزة احلى تقيم علشان الكل يستفيد
التقيم التقيم التقيم
وثانيا عوزة دعوة حلوة كده من قلوبكم خالصة لله تعالى
بان الله يهدى اولادى ويشفيهم شفاء لا يغادر سقما
ويرزق زوجى من حيث لا يحتسب
ودى مواضيعى فى المطبخ وبكامرتى
شوفوا المواضيع دى هتعجبكم جدا ان شاء الله #44
انهاردة بقى ان شاء الله
عمللكم فضلة خيركم
أكلات جميييييييلة من أكلات عيد الاضحى
تعالو شوفوا أكلاتى فى عيد الاضحى
و
و
و
(تكاتى فى اطباق العيد وبردو على اد الايد)
اولا
كل سنة وانتم طيبين
وعيد سعيد عليكم
وعلى الامة الاسلامية
ويارب يعيدة عليكم وعلى الامة الاسلامية بالخير
اخواتى الفتوكات تعالو شوفوا أطباق العيد وبردو على اد الايد
وأحبت ان افيدكم
بطرقى بطرقى المختلفة فى العيد
هى حاجات بسيطة على قدى معليشى
مفهاش افتكسات ولا حاجة
هى على قد الظروف
نبدء
بسم الله
اولا
انا بقى هبدء بالكوارع
لان هى بتجيلى من اهلى الى بيضحوا
وهما عارفين انى بحبها
وهبدء بالكوارع لية بقى لانى هعمل منها احلى فتة كوارع
انا ما بعترفش باى فتة غير بفتة الكوارع
طريقة طهى الكوارع
الاول اول ما بتجيلى الكوارع بيبقى شكلها وحش اوى بوديها للجزار وهو بينظفهالى وبقولة اقطعها قطع صغيرة
بجبها من عند الجزار
وبغسلها حلو اوى بالصابون السائل
وبالدقيق
وبالخل واليمون
وبعد ما بغسلها
كويسة
وبعد كدة بحطها فى الحلة
تغلى غلوة بضيف لها ملعقة كمون وعصير ليمونة
لية بقى
علشان تشيل الريحة بتاعتها الوحشة
وبعد كدة بصفيها وارجع اغسلها تانى كويس
واجيب الحلة الى هطبخ فيها
واضع ملعقة سمنة او زيت
واشوح فيها الكوارع
واضيف لها ماء سخن
واضع فية ملعقة صغيرة فلفل اسمر
و2بصلة وطماطماية
وذرة قرفة
وذرة كمون
بس مش بحب اضيف اى توابل تانية علشان احس بطعم شوربة الكوارع
واغطيها تستوى براحتها
وعلى نار هادية
ولو كبيرة فى السن بضيف لها ملعقة صغيرة سكر بيساعدها على انها تستوى بسرعة
واتركها من ساعتين الى 3 ساعات
التكة بتاعتى بقى الى بتخالى الشوربة جميلة وروعة
هى انى بعمل لها دقة بسيطة
وهى بجيب طاسة وصفر فيها فصين توم
واضع عليها عصير طماطماية
واضفها لشوربة والكوارع وهى بتستوى
جربوها والله مهتندموا وهتعجبكم
ودى الكوارع بعد ما استوت
نيجى بقى لفتة الكوارع
المطلوب
كوارع مستوية ومقطعة قطع صغيرة
وارز ابيض مطبوخ
انا ما بحبش الارز يبقى فيها كتير
وعصير طماطم
وتوم زى ما تحبى
وكزبرة ناشفة
وفلفل وكمون
وشطة
وخل
وليمون
وعيش بايت عندك
وزيت
بصوا بقى اول حاجة بعملها
انى بجيب العيش وادهنه زيت وارش علية زرة ملح وفلفل
وادخلة الفرن يتحمص بيبقى جميل جدا
وبعد كدة بكسرة على شكل متساوى
كلة زى بعضة
واسيبة على جنب
تابعونى
مواضيع هذا القسم برعاية
فراشة نسمات فراشة نسمات 670092_7.gif فتكات ست الكل Fatakat 670092 أسكن فى حضن زوجى وأولادى – أعيش فى بيتى مملكتى