النهارده عملالكم أكله جديده خالص الا وهى الفراخ المشويه فى الفرن فى الاكياس الحراريه
بصوا واحد واحده كده انا مصورالكم كل خطوه وانا متاكده انها حتعجبكم جدا جدا لاننا كلنا زهقنا وقرفنا من الاكل التقليدى ودى طعم جديد خالص والله عن تجربه واحلى مليون مره من الفراخ الجاهزه جربها وادعولى بالله عليكم اهم ما فى الموضوع الدعاااااااااااااااااااااااااااااااااااااء
اه نسيت اقولكم ان الطريقه ولا اسهل من كده ومش حتاخدى وقت فى تحضيرها الاخمس دقايق بس ولا حتبشرى بصل ولا حتقطعى طماطم ولا حتى حتقفى فى المطبخ اصلا
زمانكم بتشتموا انا عارفه وبتقولوا رغايه ماشى ماشى ربنا موجود وسامعك منك ليها هههههههه
اول حاجه حتجيبى الكيس ده هو متواجد فى اى حته فى نوعين بخلطه المشويات وبخلطه الثوم بصراحه انا جربت المشويات وكانت تحفه وسعره 7.50
هو متقسم جزءين جزء فيه التتبيله وجزء فيه الكيس الحرارى والربطه بتاعته
ده شكل الكيس وهو مقفول
ممنوع الضحك
وده شكله بعد ما اتفرد كبير متقلقوش والازرق ده الربطه الى حتربطوه بيها
وبعدين نجيب الاهم وهى الفرخه طبعا حنظفها تمام وانا عارفاكم ستات بيوت تمام وحنقطعها 8 قطع تمام كده
وبعدين حنجيب الكيس ونحط فيه الفراخ وبعدين نرش عليها التتبيله جوه الكيس بلاش بره عشان تضمنى انها كلها تبقى جوه الكيس ومتفقديش معظمها
وتحاولى ترجيها عشان التتبيله تبقى على كل الفراخ
وبعدين تربطيها بالربطه الخاصه بيها وتحطيها فى صنيه متوسطه
وتخرميها تلات خروم من فوق الكيس وتدخليها الفرن على درجه حراره 200 طبعا على الشبكه الى فى الفرن وتسيبيها حوالى ساعه او ساعه وربع
لو بصيتى فى الفرن حتلاقى الكيس اتنفخ والفراخ منزلا سمنتها جوه الكيس
وبعديت تطلعيها وبألف هنا وشفا على قلوبكم يا احلى فتوكات
وده شكلها بعد ما طلعت
على فكره تنفع اوى فى العزومات وحيبقى اكلك مختلف خالص واعملى جمبها اى حاجه تحبيها بشاميل او رقاق او زى ما تحبى
مواضيع هذا القسم برعاية
أم ميار @ أم ميار @ 1077793_6.gif مراقبة مدونة Fatakat 1077793 اليكس – ام الدنيا( مصر )