السلااام عليكم ورحمة الله وبركااااته
ازيكم يا فتوووكاتي الحلوين
انا عملت وصفة الكشري بتاااعت زغدانه ( شوشو ) حبيبة قلبي
والي هيه اتعلمتها من سلفتها ام ملوكه
ولما جوزي اكل منها سألني ( ايه دا؟؟؟ )
استغربت من سؤاله ورديت قلت ( كشري )
قااام ضحك وقااال طيب الي كنتي بتعمليه قبل كده ايه ؟؟
قلت برضو كشري !!!!
وكمل اكل وقااالي لذيذ جدا تسلم ايدك
بس اكيد انتو فهمتوا هوه سأل ليه زي ما انا فهمت
طيب ….. بدون كتر كلااام اقلكم جربوا الطريقه دي
وادعو لزغدانه الغاااليه ربي يحققلها الي تتمنااااه ويسعدها ويباركلها في اولادها
https://fatakat.univanet.com/#851141
المقادير :
كوباية رز +كوباية عدس اسمر مسلوق +نص كوباية شعرية
كوباية حمص الشام او اقلل شوية مسلوق
كوباية مكرونة النوع اللى موجود
بصلة متقطعة شرايح رفيعة
وشوية زيت
الطريقه :
نحط البصل على النار ونحمره
وبعدين نشيله ونصفيه على ورق مطبخ ودى هتبقى تقليه الكشرى
وبعد ما نشيل البصل نحط مكانه الشعيرية ونحمرها
لحد ما يبقى لونها دهبى وبعدين نحط كوباية ماية
ونحط ملح وكمون وبهارات
ولما تغلى الشعرية غلوة كده
نحط الرز بعد ما نغسله كويس ونصفيه كويس
ونحط العدس المسلوق
ونحط ماية كانك بتسوى رز عادى خالص
بس وبعدين هنسيبه يتشرب على نارهااااااااااادية
ويستوى برااااحته
الصلصه :
هنحط توم مفروم فى شوية زيت على النار
ولما يبقى لونه دهبى فاتح
نحط الطماطم المضروبة فى الخلاط
وملح وفلفل وكمون وشطة سودانى وبهارات
ونسيبهم يغلو مع بعض لحد ما تتسبك
وبس خلااااااااص
طبعا انا مش حاااطه حمص لانه ما كااانش متوفر عندي
بس اكيد بالحمص هيبقى اجمل والذ
لو عجبتكم الوصفه ادعو لزغدااانه وسلفتها بالبركه
وادعووولي ربي يرزقني الذريه الصااالحه
اختكم / علووو مواضيع هذا القسم برعاية
عليـــا_ام احمد عليـــا_ام احمد 194864_21.gif Fatakat 194864 جده – السعوديه