صباح الخير عليكم يا احلي فتوكات
المهارده جايبالكم تطبيقي لشاورمه ام براء وفريده حبيبتي
وبالصور
نبتدي بسم الله
المقادير
نص ك صدور فراخ بانيه مقطعه قطع صغيره
بهارات زي ماتحبي انا بحط ملح وفلفل وكم ن وكزبره وساعات بابريكا
معلقتين خل
معلقه صويا صوص حلو
معلقتين كبار زبادي
جزره
فلفله رومي خضراء
بصله متوسطه
الطريقه
نقطع الفراخ رفيع اوي
نتبلها بالبهارات والصويا صوص والخل والزبادي
نسيبها ساعه او اتنين
بعد كده نقطع الفلفله ونبشر الجزره
ونفرم البصله ونشوحها ف زيت ع النار
نضيف الفراخ المتبله للبصل المتشوح وبعدين نضيف الخضار
ونطفي النار
نيجي بقي للصوص الجميل ابداع زينه
هي الحقيقه ف وصفتها خبزت عيش التورتيلا بس انا بلف الشاورمه ف العيش اللبناني
الصوص بسيط وطعمه خطير
معلقه زبادي، معلقه طحينه ومعلقه مايونيز
وعليهم ملح وفلفل
نفرد الصوص ده ف الساندوتش ونحط شويه بطاطس محمره وجنبها الشاورمه ونلفه بالشكل ده
اتفضلوا يا جماعه بالهنا والشفا متتكسفوش
مواضيع هذا القسم برعاية
هتجوز هتجوز 385865_1.gif سوبر فتكات Fatakat 385865 الاسكندرية – مصر