السلام عليكم ورحمة الله وبركاته
اخيرا اتجرأت وعملت حاجه وصورتها انا عملت المعجنات بتاعت السرطانه وبجد تحفه وكل اللى شافها كان بيحسب انها جاهزة
المهم انا كنت قاعده مع ماما وقولتلها فى طريقه تحفه للكرواسون عايزين نجربها ومقاديرها كلها كانت فى البيت طبعا وانا بقول كده ما كنش فى دماغى اصور الخطوات خالص بس بعد ما طلع من الفرن وشفته قولت ياريتنى كنت صورته المهم انا صورت الشكل النهائى وان شاء الله يعجبكو
هقولكوا على الطريقه
1 كيلو دقيق
1 كوب زيت + ربع كوب زبده صفراء وده عشان الطعم يبقى احلى
2 كوب لبن نيدو
ربع كوب سكر
ذرة ملح
كيس بيكنج بودر
خميرة
بيضه لدهان الوش
الاول قريت سورة قريش وسميت الله وبعدين حطيت الدقيق والبيكنج بودر والملح والسكر والخميرة وقلبتهم كويس وبعدين نزلت بالزيت والزبده واللبن وعجنت كويس قوى وطبعا انتى الاول بتحطى كوباية لبن نيدو كبيرة طبعا مدوبه فى مايه وبعد كده الكوبايه التانيه على حسب احتياج العجينه ماشى وبعد العجن سيبتها تخمر حوالى نص ساعه وبعدين بدأت اشكلها على شكل كور متساويه واخدت كل كورة وفردتها بالنشابه على شكل فطيرة كبيرة وقطعتها بالسكينه على 8 وحشيت من عن الطرف العريض جبنه اسطنبولى فينا ولفيت الكرواسون وقفلته من الاجناب وبعد ماخلصت الكميه سيبته يخمر فى المطبخ وكان الفرن شغال ومسخن المطبخ لمدة نص ساعه وبعدين دهنت الوش بيض وحطيت سمسم ودخلته الفرن وخلى باللك لانه مش بياخد وقت ولما شفت شكله ما صدقتش ا ديه عاميلى ابدا وبابا وماما فرحو اوى واديت منه لاختى ولخطيبى حبيب قلبى اسيبكوا مع الصور بس قولولى رايكم بصراحه مواضيع هذا القسم برعاية
دعاء حسن دعاء حسن 61964_6.gif فتكات هايلة Fatakat 61964 القاهرة – مصر