تطبيقى للخيار المخلل المقرمش الرائع بالصورررر

ازيكم يااعضاء احلى مدونة …ياللى دايما بتعلم منكم كل حاجه دا اللينك بتاع الموضوع الاصلى للعضوة ام نورلينز واللى انا طبقته بشويه تحابيش من عندى وجيت عشان اشكرها وافرحها انى جربته واشجعكم تجربوة لانه هيعجبكم جداااااا وتدعولنا دعوه حلوة
..http://fatakat.univanet.com/#2651977
من زماااااااااااااااااان بدور على طريقه حلوة لعمل الخيار المخلل اللى بموت فيه وجربت كذا مرة لكن فشل
بس المرة دى ماشاء الله طالع تحفه ومقرمش وجميل جدا وطبعا الفضل لخبرة العضوة الجميله ام نورلينز بقولها من قلبى مليون شكرا وبدعيلها ربنا يكرمها لانى فرحت قوى انى عملت مخلل خيار وطلع احلى من بتاع برة…
بصوا انا جبت نص كيلو خيار بلدى رفيع مش تخين بيبقى احلى فالتخليل وغسلته وشقيته من الناحيه العريضه من تحت حته كدة بالسكين زى ماحماتى بتعمله وحطيت الخيارة بحالها ورصيته جمب بعضه فالعلبه واقف والناحيه المشوقه لتحت طبعا…
جبت كوب ماء مغلى يادوب صبيته من البويلر فالكوبايه وحطيت عليه
(2ملعقه كبيرة ملح+ربع كوب خل+قرن فلفل اخضر متقطع+نص معلقه فلفل احمر مفروم+ملعقه صغيرة توم مفروم)مش بقولكم بحبه قوووووووووووووووووى عشان كدة ببدع فيه
قلبت كل الحاجات دى فالميه وصبيتها ع الخيار لغايه ماغطيته بالميه وبعدها غطيت العلبه وسيبته 3 ايام وكان ماشاء الله زى الفللللللللللللل…بعد كدة شيلته بحاله حطيته فالتلاجه ولما اعوز افتح العلبه واخد اللى محتاجاه واغطيها تانى واسيبها جوة التلاجه بيفضل مقرمش وجميل..
بصراحه انا انبسطت جدا لان جوزى لاول مرة يشكر فالمخلل بتاعى وقاللى (طبق المخلل ده يتاكل حااااف )انبسطت قووووووووووووووووووى
وقعدت ارقص زى الخيارة دى ههههههههههههههه
وعند الاكل بقطعه قطع صغيرة مفيش احلى من كدددددددددددددده
..وادى احلى طبق خيار مخلل لكل عضوة حلوة هتقيم تجربتى الجميله… مواضيع هذا القسم برعاية

رودى2017 رودى2017 25843_1.gif فتكات متميزة Fatakat 25843 مدينة نصر – القاهرة

سبحان الله و بحمده