بون سوار يا احلى فتوكات
انا هدخل فى المفيد
من ساعة ما شفت موضوع روبى الجميلة
وانا نفسى اجربة اوى
وقد كان جربتة النهاردة وبجد
روووووووووووووووووووووووووووووووعة
روعة ولازم تجربوة فعلا
دى المقادير نقلا عن روبى
مقادير العيش الكيزر :
4 كوب دقيق
4 معلقه كبيره لبن بودر
نص معلقه صغيره ملح
1 ونص معلقه كبيره سكر
1 ونص معلقه كبيره خميره فوريه
كوب ورنص ماء دافي
ربع كوب زيت
نبدأ بالعيش بوضع المكونات الجافه للعيش في طبق
ثم نخلطهم جيدا وبعدين نحط الميه والزيت
ونعجن حتى تتلم العجينه من ايدك وتبقى طريه وغير لاصقه
تترك لتخمر ساعه وتتضاعف
نقطعها دوائر حسب الحجم المحبب
انا عملتهم 15 دائره وسط
ممكن تعمليهم 12 ويتركوا ليخمروا نص ساعه
نرصهم في صاج مرشوش دقيق
ويدهنوا بالبيض المخفوق ونرش سمسم او حبه بركه
انا عملت شويه ساده وشويه بحبه البركه
ويخبزوا في فرن حامي لمده 10 دقايق حتى يحمروا بالشكل ده و يتركوا ليبردوا قليلا
ودة شكل العيش بتاعى ما شاء الله طلع رووووووعة
وانا اصلا كنت فاقدة الامل لان مليش خالص فى المعجنات وعلى طول تفشل
الا دة بصراحة طلع وااااااااااااو
اما البرجر ودى منقولة بردة بالظبط من موضوع روبى
نص كيلو لحم مفروم
ربع كوبايه فول صويا مجروش منقوع في ماء دافي
وبعدين نصفيه كويس ده ((اختياري))
وممكن نستبدله بالبقسماط
بصله كبيره مبشوره
بيضه
ملح فلفل كبابه كسبره اوريجانو (الزعتر الجاف)
معلقه كاتشب
معلقه صلصه
معلقه مسترده
نص كوب او اقل بقسماط
في اثناء الخبز نضع مكونات اللحم كلها على بعض
ونعجن
((طبعا اذا لاقيتيها لاصقه في ايدك حطي بقسماط حبه بحبه لحد ما تتمكني من تشكيلها))
بس هنحط بالكتير نص كوبايه
ونحطهم في التلاجه شويه
ودى شكل البرجر بتاعى
قبل القلى وانا مستخدمتش فول صويا استخدمت بقسماط
ودة بعد ما خلصت
وحضرت حاجات الحشو خس وطماطم وبصل
واخيراااااااااااااااااااااااااااااا
هااااااااااااااااااا اية رايكم بقى
ياريت بقى دعوة حلوة بتيسير الحال
وتجربوة وتدعوا لروبى طبعا
ومتنسوووووووش التقييم والردود الجميلة
دة رابط الموضوع الاصلى
تعالى اعلمك تعملى ساندوتش برجر من الالف للياء *كلة من عند روبى
https://fatakat.univanet.com/#1043378
مواضيع هذا القسم برعاية
dodo fr dodo fr 49721_35.gif ملكة فتكات Fatakat 49721 بااااااااااريس – فرنسا