السلام عليكم ورحمه الله وبركاته وكل سنه وانتم دايما طيبين
كلاكيت تانى مرة ليه بالصور هوة طريقه تخزين الفاصوليا الخضرا بس بطريقه مختلفه وهى مستويه
م تستغربيش شوفى واحكمى بنفسك والله العظيم احنا بنعملها وتفضل عندنا سنه بحالها م يجراش لها اى حاجه
لا ف اللون ولا الطعم
المطلوب منك / فاصوليا خضرا كميه حسب الرغبه + عصير طماطم+ بصل + توم + فلفل اسمر وملح + شوربه+ معلقتين سمنه
اول خطوة هتنضفى الفاصوليا كويس قوى وتقطعيها وتغسليها كويس زى كدة
وبعدين نسيبها ف مصفاه تتصفى على م تفرمى البصل والتوم مع بعض ف الكبه
وبعدين تحطى الفاصوليا ف حلهه النار وعليها البصل والتوم ومعلقتين سمنه وتسبيهم مع بعض حوالى 10 دقايق زى كدة
وبعدين نضيف لهم عصير الطماطم وبردة نسيبهم ياخدوا على بعض تانى 10 دقايق
وبعدين بعد م تلاقى الطماطم اتسبكت شويه ضيفى شويه شوربه وخليها تغلى شويه وبعدين اطفى النار وسبيها تبرد خاااالص
وبعدين عبيها ف اكياس وع الفريزر عدل لحد م تحتاجيها
والله العظيم عن تجربه بتكون تحفه جدا وبتنفعنا كتير بصراحه وقت الكسل بنطلعها تفك شويه ونحطها على نار هاديه
استنى بقى ياريت ف الايام الحلوة دى تدعوللى بقى ربنا يكرمنى وينولنى اللى ف باللى واتجوز يارب ويحقق لى اللى بتمناة
ولو قيمتى كمان بقى انا اللى هدعيلك ربنا يكرمك ويرزقك اللى تتمنيه
مواضيع هذا القسم برعاية
فوضت الامر لله فوضت الامر لله 67661_6.gif سوبر فتكات Fatakat 67661 ف الدنيا اللى وجعتنى قوى – egypt