فتوكاتي الاعزاء اهلا بيكم جميعا
باختصار شديد زي العنوان ما بيقول تحذير…
قبل ما تشتري الاستانلس عموماااا
وحقولكم عن تجربتي الشخصية لما اشتريت الصواني المغشوشة
بس الحمد لله بفضل الله ربنا ستر ورجعتهم
بصوا يا حلوين انا بجهز بنتي عشان قربت تتجوز باذن الله
وطبعا بشتري حاجات كتير وانتم عارفين وفي يوم رحت اشتري الصواني ولقيت صواني حلوة جدااااا
وبتلمع وكمان عليها فصوص وزخرفة جميلة
وكنت بشتريها من مول كبير مش من محل صغير يعني
المهم اشتريت وكانو عددهم اثنين ب 235 جنيه
وانا ماشية كنت بشتري حاجات تانية من تاجر تاني فأول ما شاف معايا الصواني
قالي دول استانلس ستيل قولت له اه قالي متاكدة وجاب ايه بقي
مغناطيس وجربه علي الصواني والمفاجاءة ان المغناطيس جذب الصواني
وانتم عارفين طبعا ان الاستانلس ستيل المفروض لا يجذب المغناطيس المفروض ينفر منه
وعرفت ان انا اشتريت صواني مغشوشة فروحت بسرعة للمول اللي اشتريت منه
وقولت له ع المغناطيس اللي جذب الصواني
وانهم مغشوشين والحمد لله رجعتهم في الحال
افرضي بقي انا ماكنتش عرفت واخدتهم في الجهاز ؟؟؟؟؟
الحمد لله ربنا كريم لانهم غالين وسعرهم مش قليل
عشان كدة ياريت كل واحدة تاخد بالها وهي بتشتري الصواني او اي حاجة استانلس
ياريت تاخدي معاكي مغناطيس صغير تجربي بيه
اتمني اكون قد افدتكم بشيء ولو صغير
ومن فضلكم
ادعو لبنتي ربنا يتم لها علي خير ياااااااااااااااارب
وعقبالكم جميعا يا قمراااااااااااااااااااااااات
وياريت ما تنسوش التقيييييييم يا حلوين عشان الكل يستفيد
وقبل ما امشي دي صور لبعض اشكال الصواني الاستانلس الاصلية
اللي اشترتها من مكان مضمون
لاني ماصورتش الصواني للاسف
بس الطقم ده قريب من اللي اشتريته
ودي كمان
في رعاية الله يا قمراااااااااااااااااااااااااااات
نورالفؤاد87 نورالفؤاد87 449459_19.gif سوبر فتكات Fatakat 449459 الاسكندريه – مصر