سلام عليكم حبايبي واخواتي كل رمضان وانتم الي الله اقرب وعلي طاعته ادوم
فالاول احب اقلكم معلومة بسيطة عن الصفايح الدموية هي المسؤلة عن سيولة وتجلط الدم
يعني كل ما تقل الصفايح سيولة الدم تزيد ولو اتجرحتي جرح بسيط ينزف كتير وميلتئمش غير بعد ايام وايام
فمابالك لو واحدة حامل وهتولد قيصري مثلا متخيلة ممكن تنزف اد ايه وجرحها يفضل مفتوح اد ايه
ولو حتي هتولد طبيعي هتكون معرضة للنزيف برده
انا حاليا قربت ابدأ الخامس ان شاء الله ادعولي ربنا يتملي علي خير ويرزقني طفل سليم معافي من غير زيادة او نقصان من اهل الصلاح ويرزق كل مشتاق يارب
الموضوع بدأ معايا قبل الحمل ومحتطش فبالي
نسبة الصفائح الطبيعية علي نسب معمل البرج تبدأ من 140000 الي 450000
عندي قبل الحمل كانت 262017 وفخلال شهور بئت 162017
قلت عادي ماهي لسة فالحدود الطبيعية مع انها قلت 100000
ولما حصل الحمل وحللت لقيتها 125000 يعني اقل من الحد الادني الطبيعي 15000 واقل من اخر تحليل 37000
الدكتورة قالتلي احنا لسة بنقول بسم الله وارد جدا نحتاجلك نقل دم وقت الولادة او قبلها
واحنا طبعا اول 3 شهور لا بناخد حديد ولا فيتامينات ولا اي حاجة اكتر من الفوليك اسيد
المشكلة ان علاج الصفائح كله كورتيزون ربنا يعافينا وانا بيحصلي نقص فيها بالالاف يعني علي اخر الحمل هكون ودعت
انا عملت حاجة ناس كتير مش مقتنعة بيها مخدتش مني اكتر من 10 دقايق وحللت بعدها ب يومين لقيت نسبة الصفايح 145000 يعني زادت 20240من اول مرة والمفاجئة الاكبر الهيموجلوبين وصل 11.2 مع انه من اول الحمل 10 وطول حياتي مش بيزيد عن 10
وطبعا كلكم عارفين ان هيموجلوبين الحامل مش بيزيد بالعكس ده بينقص او بيفضل زي ماهو
الاعراض ال ظهرت عليا خلال نقص الصفايح
-بقع تروح وتيجي فاي مكان فجسمي
-اقل اقل جرح او حتي مكان حقنة سحب الدم للتحليل تفضل اكتر من ساعة تنزل دم ومكانها يزرق كذا يوم بعدها
-كدمات من غير اي سبب تظهر فجأة
نفذت وصية الرسول عليه الصلاة والسلام
عملت حجامة
صدقت يارسول الله والله ان فيها شفاء من كل داء الا الموت
عارفين دكنورة المعمل نفسها مصدقتش النتيجة ومكنتش مقتنعة بكلامي ولما حللت العينة بنفسها قالتلي عملتيها فين وكلمة مني وكلمة منها خلتني خدتها عند الاخت ال عملتلي الحجامة وعملتهلها وارتاحت بعدها بفضل الله لانها مكانتش بتنام الا بمنوم
لأ مش كدة وبس دي اتفاجئت بمنظر الدم ال خارج من الحجامة وقالت المرة الجاية هتجيب معاها انابيب اختبار تحط فيها دم الحجامة وتحلله
وان شاء الله لما تعمله واعرف التطورات اكيد هكتبلكم الجديد
لاتنسوني من صالح دعائكم ويارب اكون افدتكم ولو بمعلومة بسيطة واوصيكم قبل اي قرار علاجي جربوا الحجامة مش هتخسروا حاجة وخلو نيتكم اقتداء بسنة الحبيب عليه الصلاة والسلام والشفاء اولا واخيرا من عند الله
احبكم فالله
جمالي ديني وأنوثتي جمالي ديني وأنوثتي 819555_2.gif فتكات متميزة Fatakat 819555 القاهرة – مصر