السلام عليكم
انا قولت احكليكم عن التجربه دي علشان اللي ناويه تعمله ان شاء الله
في حملي الاول من 6 سنين كانت عايشه في سلطانة عمان في صلاله
وكنت بتابع الحمل في مركز صحي في عوقدبس حسيت الدكتوره مش شاطره لحد اخر الخامس بطمني وتقولي تمام دي حتي معرفتش ولد ولا بنت
المهم في الاسبوع 20 كده الصبح لقيت مغص خفيف من تحت وبدخل الحمام حسيت ان في حاجه بتتفتح ولقيت دم طبعا جريت علي مستشفي السلطان قابوس في صلاله ساعتين علشان الدكتوره تيجي والوجع بسيط كان بيروح ويجي جيت وكشفت بالسونار وقالتلي ان البيبي في الحوض ولازم ينزل وانا كل ده حاسه بالبيبي بيتحرك في بطني ودخلتني اوضه عمليات وعطتني محلول في ابره بس ده كان طلق صناعي ومقلتش وبعد نص ساعه الوجع اشتغل نص ساعه لحد ما البيبي نزل لوحدو والمشيمه كمان من غير مايكون معي حد في الاوضه ونديت علي الممرضه جيت شيلت البيبي وقالتلي ولد ودخلوني اوضه وخرجت تاني يوم
بعدها بشهرين حملت في ابني الكبير وخلصت الشهر الرابع مع دكتوره لبني في صلاله ممتازه
في اخر الرابع بتكشف قالت عنق الرحم عندك بيقصر ولازم عمليه في خلال اسبوع
طلعت علي مستشفي بدر السماء بصلاله لرئيسة قسم النسا والولاده دكتوره هنديه قالت لازم نعمل العمليه بعدها بيومين
رحت الصباح وقاعدتني مع دكتور التخدير وجهزت للعمليه
ودخلت اوضه العمليات بنج كلي محستش بحاجه وخرجت لقيت نفسي في غرفة الافاقه وجهاز قلب وجهاز ضغط بصراحه الفلوس حلوه بتعمل رعايه بجد وبيهتمو بيكي جدا
ومفيش مغص خالص ولا اي وجع وطلعت اوضتي وكل شويه مضادت حيويه وتدخلي الحمام مفيش وجع وكل حاجه زي الفل وروحت تاني يوم
ولا كاني عامله عمليه
وخلصت التاسع الحمدلله كنت نزلت مصر وفكيت الربط بس ولاده قيصريه
في ابني التاني الدكتوره قالت نعمل العمليه في اخر التالت
وفعلا
مستشفي ماترنتيه شدس هي المستشفي عاديه ومصاريفها مش كتير
دخلت اوضه العمليات بنج كلي وكله تمام طلعت صويت جامد بقي علشان الممرضات بيتلكعو مش بيدو المسكن علي طول غير لما تطلبي
واخد المسكن فين بقيت كويسه وعطيت محلول علشان يهدي الطلق وميحصلش اجهاض مش عارفه
بس هو بيسرع ضربات القلب ولما تحسي بكده لازم يوقف فورا ومحدش قالي غير بعد فتره وانا كل ده تعبانه وضربات قلبي سريعه
بس الحمد لله وقف وروحت وعديت
والتاني برده قيصري بس مفكتش الربط
وانا حامل دلوقتي وعامله الربط من 3 سنين بس ان شاء الله يتفك الولاده دي بس لازم بتاخد علاج التهابات علشان الربط بيعمل التهابات
ام يوسف والصغنتوت ياسين ام يوسف والصغنتوت ياسين سوبر فتكات Fatakat 122176 اسكندريه حببتي وروح قلبي – مصر ام الدنيا